الماتىدا جالپىۇلتتىق رەفەرەندۋمعا ازاماتتاردىڭ قاتىسۋ دەڭگەيى الدىڭعى داۋىس بەرۋمەن سالىستىرعاندا جوعارى ەكەنى تىركەلدى.
قازاقستان رەسپۋبليكاسى ورتالىق سايلاۋ كوميسسياسىنىڭ مالىمەتىنە سايكەس، 2026 جىلعى ساعات 16:00-دەگى جاعداي بويىنشا قالا تۇرعىندارىنىڭ داۋىس بەرۋ كورسەتكىشى 28,16%-دى قۇرادى. بۇل 2024 جىلعى رەفەرەندۋمداعى كورسەتكىشتەن جوعارى. ول كەزدە داۋىس بەرۋگە 25,21% سايلاۋشى قاتىسقان بولاتىن.
مەگاپوليستىڭ بارلىق اۋدانىنداعى ۋچاسكەلەردە الماتىلىقتاردىڭ بەلسەندىلىگى بايقالۋدا. قالا تۇرعىندارى ءوز ازاماتتىق ۇستانىمدارىن ءبىلدىرۋ ءۇشىن كۇنى بويى داۋىس بەرۋ ۋچاسكەلەرىنە كەلىپ جاتىر.
ۋچاسكەلىك كوميسسيالاردىڭ جۇمىسى شتاتتىق رەجيمدە جۇرگىزىلۋدە، تۇرعىنداردىڭ ىڭعايلى ءارى اشىق داۋىس بەرۋى ءۇشىن بارلىق قاجەتتى جاعداي جاسالعان.
داۋىس بەرۋ ساعات 20:00-گە دەيىن جالعاسادى، كەشكە قاراي داۋىس بەرۋ كورسەتكىشى ءالى دە وسەدى دەپ كۇتىلۋدە.
