بۇگىن ەلوردادا جاڭا كونستيتۋتسيانى قابىلداۋ جونىندەگى جالپىۇلتتىق رەفەرەندۋم اياسىندا جۇرگىزىلگەن قوعامدىق باقىلاۋ جۇمىستارىنىڭ قورىتىندىسىنا ارنالعان بريفينگ ءوتتى. ءباسپاسوز كونفەرەنتسياسىندا «AMANAT» پارتياسى ساياسي جۇمىس دەپارتامەنتى ديرەكتورىنىڭ ورىنباسارى، پارتيا بايقاۋشىلارىنىڭ جۇمىسىن ۇيلەستىرۋشى گۇلنار نۇراحمەتحانوۆا مەن دەپارتامەنت قىزمەتكەرى ارعىن تەمىرجانوۆ بايانداما جاسادى.
سپيكەرلەر بۇل ساياسي ناۋقان بارىسىندا ازاماتتىق جاۋاپكەرشىلىكتى جوعارى دەڭگەيدە قامتاماسىز ەتۋ ماقساتىندا كەڭ اۋقىمدى باقىلاۋ جۇيەسى قۇرىلعانىن اتاپ ءوتتى. پارتيا اتىنان رەسپۋبليكا بويىنشا 22 مىڭعا جۋىق بايقاۋشى داۋىس بەرۋ ۋچاسكەلەرىندە جۇمىس ىستەپ، بارلىق وڭىرلەردى تولىق قامتىدى.
«بۇل رەفەرەندۋم ازاماتتاردىڭ ەل بولاشاعىنا قاتىستى ءوز پىكىرىن بىلدىرۋگە مۇمكىندىك بەرگەن ماڭىزدى قادام بولدى. باقىلاۋ ناتيجەلەرى داۋىس بەرۋ پروتسەسىنىڭ اشىق جانە زاڭ تالاپتارىنا ساي وتكەنىن كورسەتتى. ءبىزدىڭ بايقاۋشىلار جەلىسى ەل تاريحىنداعى ەڭ ءىرى قوعامدىق باقىلاۋ قۇرىلىمدارىنىڭ بىرىنە اينالدى» – دەدى گۇلنار نۇراحمەتحانوۆا.
سپيكەردىڭ ايتۋىنشا، ساياسي ناۋقان باستالعانعا دەيىن بارلىق بايقاۋشىلار ارنايى وقىتۋ كۋرستارىنان ءوتىپ، ءتيىستى دايىندىقتان وتكەن.
«رەفەرەندۋم الدىندا بارلىق بايقاۋشىلار ارنايى وقىتۋ كۋرستارىنان وتكەنىنە ەرەكشە نازار اۋدارىلدى. ناقتىراق ايتقاندا، 2-13 ناۋرىز ارالىعىندا ونلاين جانە وفلاين سەمينارلار ۇيىمداستىرىلدى، بايقاۋشىلاردىڭ قۇقىقتارى مەن مىندەتتەرى، سايلاۋ زاڭناماسى مەن باقىلاۋ جۇرگىزۋ ءتارتىبى جان-جاقتى وقىتىلدى، داۋىس بەرۋ راسىمدەرىنىڭ اشىقتىعىن قامتاماسىز ەتۋ ماسەلەلەرى تالقىلانعاندى.» – دەدى گۇلنار نۇراحمەتحانوۆا
بريفينگ بارىسىندا گۇلنار نۇراحمەتحانوۆا رەفەرەندۋمنىڭ اشىق ءارى ۇيىمداسقان تۇردە وتكەنىن مالىمدەدى. سپيكەردىڭ ايتۋىنشا، ءاربىر بايقاۋشى ءوزى تىركەلگەن ۋچاسكەدەگى جاعداي تۋرالى جەدەل اقپارات بەرىپ، داۋىس بەرۋ بارىسىن تۇراقتى باقىلاۋدا ۇستاعان. جۇيەلى دايىندىقتىڭ ارقاسىندا پارتيا بايقاۋشىلارى كاسىبي دەڭگەيدە قىزمەت اتقارىپ، زاڭبۇزۋشىلىقتاردىڭ الدىن الۋعا سەپتىگىن تيگىزدى.
