ساۋد ارابياسىندا Saudi Aramco ەنەرگەتيكالىق كومپانياسىنا تيەسىلى تىكۇشاق اپاتقا ۇشىرادى. بۇل تۋرالى كورولدىكتىڭ ەنەرگەتيكا مينيسترلىگىندەگى دەرەككوز جاريالادى، دەپ حابارلايدى “ادىرنا”.
مەملەكەتتىك SPA اقپارات اگەنتتىگىنىڭ مالىمەتىنشە، قايعىلى وقيعا راس-تانۋرا اۋدانىندا بولعان. تىكۇشاق اپاتى سالدارىنان بورتتاعى 14 ادامنىڭ بارلىعى قازا تاپقان.
«Saudi Aramco كومپانياسىنا تيەسىلى تىكۇشاق راس-تانۋرا اۋدانىندا قۇلادى. ونىڭ بورتىندا بولعان 14 ادامنىڭ بارلىعى كوز جۇمدى»، دەلىنگەن حابارلامادا.
قازا تاپقانداردىڭ بارلىعى – ساۋد ارابياسىنىڭ ازاماتتارى.
وقيعاعا بايلانىستى تەرگەۋ باستالدى. تەرگەۋ بارىسىندا اۋە اپاتىنىڭ ناقتى سەبەپتەرى انىقتالاتىن بولادى.
ۇقساس جاڭالىقتار
