قاراعاندىدا قىز بولىپ كيىنىپ، TikTok الەۋمەتتىك جەلىسىندە ادەپسىز ارەكەتتەر جاساعان ەركەن جانتىقپاەۆ 10 تاۋلىككە اكىمشىلىك قاماۋعا الىندى، دەپ حابارلايدى "ادىرنا" ۇلتتىق پورتالى.
بۇل تۋرالى قاراعاندى وبلىسىنىڭ پوليتسيا دەپارتامەنتى اقپارات تاراتتى.
پوليتسيا اتالعان دەرەك بويىنشا ءتيىستى شارالار قابىلداپ، اكىمشىلىك قۇقىق بۇزۋشىلىق تۋرالى ماتەريالداردى سوتقا جولداعان. سوت قاۋلىسىمەن ەركەن جانتىقپاەۆقا 10 تاۋلىك اكىمشىلىك قاماۋ جازاسى تاعايىندالىپ، رەسمي ەسكەرتۋ جاسالدى.
پوليتسيانىڭ حابارلاۋىنشا، قازىر ازامات الەۋمەتتىك جەلىلەردەگى اككاۋنتتارىن جويعان. سونىمەن قاتار قۇقىق قورعاۋ ورگاندارى تاراپىنان وعان قاتىستى باقىلاۋ جالعاسىپ جاتىر.
«ەسكەرتۋ تالاپتارىن قايتا بۇزعان جاعدايدا، قولدانىستاعى زاڭناماعا سايكەس نەعۇرلىم قاتاڭ جاۋاپكەرشىلىك قاراستىرىلۋى مۇمكىن»، – دەدى پوليتسيا.
