قىرعىزستاندا ءتيىستى رۇقساتسىز مارقۇمدى ءوز بەتىنشە جەرلەگەندەر، بۇرىنعى قابىرگە باسقا ءمايىتتى قايتا جەرلەگەندەر، مۇردەنى باسقا جەرگە كوشىرگەندەر مەن ەكسگۋماتسيا جاساعاندار جاۋاپكەرشىلىككە تارتىلۋى مۇمكىن، دەپ حابارلايدى "ادىرنا".
Sputnik دەرەگىنشە، ءتيىستى زاڭ جوباسىن بىشكەك اكىمدىگى ازىرلەپ، قوعامدىق تالقىلاۋعا ۇسىندى.
قۇجاتتا قىرعىزستان قىلمىستىق كودەكسىنىڭ «مارقۇمنىڭ دەنەسى مەن جەرلەنگەن جەرىن قورلاۋ» تۋرالى 164-بابىن جاڭا بولىكپەن تولىقتىرۋ ۇسىنىلعان. باستاماشىلاردىڭ ايتۋىنشا، قولدانىستاعى زاڭنامادا مۇنداي ارەكەتتەر ءۇشىن ارنايى قىلمىستىق نورما قاراستىرىلماعان.
زاڭ جوباسى قابىلدانسا، جەرلەۋ ءتارتىبىن بۇزعاندارعا مىناداي جازالاردىڭ ءبىرى تاعايىندالۋى مۇمكىن:
• 50 مىڭنان 100 مىڭ سومعا دەيىن ايىپپۇل (260 -520 مىڭ تەڭگە);
• 80-نەن 200 ساعاتقا دەيىن قوعامدىق جۇمىستار;
• 3 جىلعا دەيىن باس بوستاندىعىن شەكتەۋ;
• 3 جىلعا دەيىن باس بوستاندىعىنان ايىرۋ.
بۇعان دەيىن قىرعىزستاندا مارقۇمدارعا تاس جانە مارماردەن ەسكەرتكىش قويىپ، قۇلپىتاس ورناتۋعا تىيىم سالىنۋى مۇمكىن ەكەنى حابارلانعان.
