تۇركىمەنستان پرەزيدەنتى سەردار بەردىمۇحامەدوۆ اقابا پروتسەسى سامميتىنە قاتىسۋ ءۇشىن قازاقستان استاناسىنا كەلدى، دەپ حابارلايدى "ادىرنا" ۇلتتىق پورتالى.
يوردانيا كورولى II ابداللا 2015 جىلى قۇرعان حالىقارالىق قاۋىپسىزدىك باستاماسى اقابا پروتسەسىنىڭ نەگىزگى ماقساتى – مەملەكەتتەر اراسىنداعى ىنتىماقتاستىقتى نىعايتۋ، بارلاۋ اقپاراتتارىمەن الماسۋ جانە تەرروريزم مەن ەكسترەميزمگە قارسى كۇرەستەگى بىرلەسكەن ءىس-قيمىلدى ۇيلەستىرۋ.
باستاما اياسىنداعى جوعارى دەڭگەيدەگى كەزدەسۋلەردە جاڭا تەحنولوگيالاردان تۋىندايتىن قاۋىپ-قاتەرلەرگە قارسى ءىس-قيمىل ماسەلەلەرى دە قاراستىرىلادى. جيىندارعا الەم ەلدەرىنىڭ باسشىلارى، قاۋىپسىزدىك سالاسىنداعى ۆەدومستۆولار مەن بۇۇ جانە ينتەرپول سياقتى حالىقارالىق ۇيىمداردىڭ وكىلدەرى قاتىسادى.
ايتا كەتەيىك، 5–6 قاراشادا قازاقستان پرەزيدەنتى قاسىم-جومارت توقاەۆتىڭ شاقىرۋىمەن يوردانيا كورولى II ابداللا بەن ءال-حۋسەين دە استاناعا رەسمي ساپارمەن كەلدى.
جوعارى دەڭگەيدەگى كەلىسسوزدەر بارىسىندا قازاقستان مەن يوردانيا اراسىنداعى ساۋدا-ەكونوميكالىق، ينۆەستيتسيالىق جانە مادەني-گۋمانيتارلىق ىنتىماقتاستىقتى كەڭەيتۋ ماسەلەلەرى تالقىلانادى.
اقابا پروتسەسىنىڭ ءسامميتى 6 قاراشادا استانادا وتەدى. وعان بىرقاتار مەملەكەتتىڭ باسشىلارى قاتىسادى.
