Türkımenstan prezidentı Serdar Berdımūhamedov Aqaba prosesı sammitıne qatysu üşın Qazaqstan astanasyna keldı, dep habarlaidy "Adyrna" ūlttyq portaly.
İordaniia korolı II Abdalla 2015 jyly qūrǧan halyqaralyq qauıpsızdık bastamasy Aqaba prosesınıŋ negızgı maqsaty – memleketter arasyndaǧy yntymaqtastyqty nyǧaitu, barlau aqparattarymen almasu jäne terrorizm men ekstremizmge qarsy kürestegı bırlesken ıs-qimyldy üilestıru.
Bastama aiasyndaǧy joǧary deŋgeidegı kezdesulerde jaŋa tehnologiialardan tuyndaityn qauıp-qaterlerge qarsy ıs-qimyl mäselelerı de qarastyrylady. Jiyndarǧa älem elderınıŋ basşylary, qauıpsızdık salasyndaǧy vedomstvolar men BŪŪ jäne İnterpol siiaqty halyqaralyq ūiymdardyŋ ökılderı qatysady.
Aita keteiık, 5–6 qaraşada Qazaqstan Prezidentı Qasym-Jomart Toqaevtyŋ şaqyruymen İordaniia korolı II Abdalla ben äl-Husein de Astanaǧa resmi saparmen keldı.
Joǧary deŋgeidegı kelıssözder barysynda Qazaqstan men İordaniia arasyndaǧy sauda-ekonomikalyq, investisiialyq jäne mädeni-gumanitarlyq yntymaqtastyqty keŋeitu mäselelerı talqylanady.
Aqaba prosesınıŋ sammitı 6 qaraşada Astanada ötedı. Oǧan bırqatar memlekettıŋ basşylary qatysady.
