قازاق ەلىنىڭ وقۋشىلارى روبوتوتەحنيكا بويىنشا جەنەۆادا وتكەن حالىقارالىق FIRST GLOBAL CHALLENGE كوپسايىسىندا توپ جارىپ، التىن جۇلدەنى قانجىعاعا بايلادى. بۇل جايىندا وقۋ-اعارتۋ ءمينيسترى اسحات ايماعانبەتوۆ سۇيىنشىلەردى، دەپ حابارلايدى "ادىرنا" ۇلتتىق پورتالى.
تەمىر قۇرىلعىعا جان ءبىتىرىپ، وي تەرەڭدىگى، اقىل كەمەلدىگىمەن بايقاۋدىڭ باس جۇلدەسىن قانجىعالاعان قازاقستان وقۋشىلارى جايلى مينيستر:
"وقۋشىلارىمىز جەنەۆادا روبوتوتەحنيكادان وتكەن FIRST GLOBAL CHALLENGE الەم جارىسىندا جەڭىسكە جەتىپ، رەكورد ورناتتى. بالالارمەن تەلەفون ارقىلى بايلانىسىپ، جەڭىسپەن قۇتتىقتادىم", - دەپ حابارلادى.
15-17 جاس ارالىعىنداعى الەم وقۋشىلارى قاتىسقان تۋرنيردە ەل نامىسىن بەس ورەنىمىز قورعادى. ولاردىڭ ءبارى ۇلتتىق FIRST Global Challenge-ءدىڭ جەڭىمپازدارى. ۇزدىكتەر تۋرنيرگە قاتىسقان 3 كۇن اياسىندا 16 ويىن ماتچىن وتكىزىپ، بۇرىن-cوڭدى بولماعان رەكوردتىق كورسەتكىشتەگى ۇپاي جيناعان.
اقپارات ءۇشىن ايتا كەتەيىك، ەلىمىزدە كەيىنگى 3 جىل ىشىندە 41 IT-مەكتەپ اشىلعان، ءبىلىم شاڭىراقتارىندا ءۇش مىڭنان استام روبوتوتەحنيكا سىنىپتارى بار. ولاردا ەلۋ بەس مىڭعا جۋىق وقۋشى ءبىلىم الىپ جاتىر.
"ادىرنا" ۇلتتىق پورتالى