شىمكەنتتە جانارماي ساتاتىن الپاۋىت كومپانيالار ديزەل تاپشىلىعىن قولدان جاساعان. باسەكەلەستىكتى قورعاۋ جانە دامىتۋ دەپارتامەنتىندەگىلەر بۇل "قاساقانا جاسالعان ارەكەت" دەپ باعالادى، دەپ حابارلايدى “ادىرنا” ءتىلشىسى.
كتك ارناسىنىڭ مالىمەتىنشە، جانارماي بەكەتتەرى ديزەل وتىنىنا سۇرانىس ارتقاندا ءار ادامعا تەك 50 ليتردەن عانا ساتقان. سالدارىنان ونسىز دا تاپشى بولعان ديزەل مۇلدەم قولجەتىمسىز بولىپتى. ازىرگە مۇنداي جولمەن الپاۋىت كومپانيالاردىڭ قانشا پايدا تاپقانىن دەپارتامەنت وكىلدەرى جاريا ەتپەدى. دەسە دە ءبىر جارىم اي بويى شىمكەنتتىك جۇرگىزۋشىلەردى جانارماي ىزدەتىپ ساندالتقاندارعا اۋىر جازا كوزدەلمەگەن. تاپشىلىقتى قولدان جاساعاندار تەك ەسكەرتۋمەن قۇتىلىپ كەتۋى مۇمكىن.
"سينويل" جانە "گەليوس" فيليالدارىنىڭ ەكى بەكەتى بەلگىلەنىپ، سونىڭ ىسارەكەتتەرىندە شەكتەۋ بەلگىلەرى انىقتالىپ، سونىڭ سالدارىنان حابارلاما بەرىلگەن بولاتىن. كەلىسكەندە زاڭبۇزۋشىلىقتارعا جول بەرمەۋگە، جانە الداعى ۋاقىتتا قايتالاماۋعا جانە شەكتەۋ جاساماۋعا سونى رەسمي تۇردە بىزگە جاۋاپ بەرۋى كەرەك”، – دەدى شىمكەنت باسەكەلەستىكتى قورعاۋ جانە دامىتۋ دەپارتامەنتىنىڭ ءبولىم باسشىسى نۇربولات الياقباروۆ.
