«ۇركەر-2023» باسپا، راديو، ينتەرنەت-جۋرناليستيكا سالاسىنداعى ۇلتتىق سىيلىقتىڭ ون ەكى نوميناتسياسى بويىنشا جەڭىمپازداردىڭ ەسىمدەرى بەلگىلى بولدى، دەپ حابارلايدى “ادىرنا” ءتىلشىسى.
جۋرناليستيكا سالاسىنداعى «ۇركەر-2023» جىل سايىنعى جۇلدەسىن ماراپاتتاۋ ءراسىمى استاناداعى «قازمەديا» ورتالىعىندا ءوتتى. وسى جىلدىڭ باستى ەرەكشەلىگى - 12 ءتۇرلى نوميناتسيا. مەديا سالاسىن دامىتۋعا ۇلەس قوسىپ جۇرگەن مەديا ماماندارى ءۇشىن ءۇش جاڭا نوميناتسيا قوسىلدى.
بايقاۋعا باسپا، راديو، ينتەرنەت-جۋرناليستيكا سالاسىندا قىزمەت ەتىپ جۇرگەن جۋرناليستەردەن بارلىعى 450 ءوتىنىم تۇسكەنى ايتىلعان ەدى.
شورت-ليستكە 48 نومينانت ەندى. 12 نوميناتسيانىڭ ىشىندە : «ۇزدىك حالىقارالىق باق»، «ۇزدىك پودكاست»، «ۇزدىك YouTube كانال».
مەديا ماماندارى ءۇشىن ماڭىزدى ءىس-شارادا قر مادەنيەت جانە اقپارات ءمينيسترى ايدا بالاەۆا قاتىسۋشىلارعا ىزگى تىلەگىن ءبىلدىردى.
ء”ار جىل سايىن «ۇركەر» سىيلىعى جوباسىنىڭ ءوز جاڭالىعى بولادى. وسى داستۇردەن اينىماي بيىل دا بايقاۋعا جاڭا 3 نوميناتسيا قوسىلىپ وتىر. ءبىز ارقاشاندا جاڭا مەديانىڭ دامۋىنا، كرەاتيۆتى يندۋستريانىڭ وركەندەۋىنە قولداۋ كورسەتۋدى جالعاستىرا بەرەمىز”، - دەدى ول.
«ۇركەر-2023» سىيلىعىنىڭ جەڭىمپازدارى:
1. جىلدىڭ ۇزدىك سۇحباتى:
لەيلا تاستانوۆا - Time.kz
2. جىلدىڭ ۇزدىك رەپورتاجى:
رابيعا دۇسەنعۇلوۆا - Tengrinews.kz
3. الەۋمەتتىك تاقىرىپتاعى ۇزدىك ماتەريالى:
امانگۇل تىلەيقىزى - El.kz
4. جىلدىڭ ۇزدىك جۋرناليستىك زەرتتەۋى (سەيداحمەت بەردىقۇلوۆ اتىنداعى ارنايى نوميناتسيا):
اننا ۆەليچكو - Golos-naroda.kz
5. جىلدىڭ ۇزدىك اناليتيكالىق ماتەريالى:
مەرۋەرت سارسەنوۆا - Kapital.kz
6. جىلدىڭ ۇزدىك جاڭالىقتار پورتالى:
Nege.kz
7. راديوستانتسياداعى ۇزدىك جوبا:
«Orda FM» - «Zhas STAR» باعدارلاماسى
8. جىلدىڭ ۇزدىك فوتوسۋرەتى:
ۆالەري بۋگاەۆ
9. ۇزدىك وڭىرلىك باق:
«سىر بويى» گازەتى (قىزىلوردا وبلىسى)
10. ۇزدىك حالىقارالىق باق (باسپا راديو ينتەرنەت-جۋرناليستيكا سالاسىنداعى):
«قازاق ەلى» جۋرنالى (تۇركيا)
11. ۇزدىك پودكاست:
«OY-DETOX» - اينەل ءامىرحان
12. ۇزدىك YouTobe كانالى:
اباي سەيفوللاۇلى - «Abay Live»
بارشا جەڭىمپازدارعا «URKER» ەستەلىك ءمۇسىنى مەن ءبىر ميلليون تەڭگە مولشەرىندەگى اقشالاي سىيلىق تابىستالدى.
مەديا سالاسىندا “ۇزدىك” دەپ تانىلعان ارىپتەستەرىمىزدى قۇتتىقتايمىز!
