الماتىلىقتار ءتۇن ورتاسىندا جەر سىلكىنىسىن سەزدى. بۇل تۋرالى قازاقستاننىڭ توتەنشە جاعدايلار مينيسترلىگى Telegram-ارناسىندا جاريالادى، دەپ حابارلايدى “ادىرنا” ۇلتتىق پورتالى.
مالىمەت بويىنشا، «سەيسمولوگيالىق باقىلاۋلار جانە زەرتتەۋلەر ۇلتتىق عىلىمي ورتالىعى» جشس سەيسميكالىق ستانتسيالار جەلىسى 22 اقپاندا ساعات 00:26-دا جەر سىلكىنىسىن تىركەگەن. ونىڭ ەپيتسەنترى الماتى قالاسىنان وڭتۇستىك-شىعىسقا قاراي 260 كم جەردە ورنالاسقان قىتاي اۋماعىندا بولعان.
سەزىلۋى تۋرالى مالىمەتتەر: الماتى قالاسىندا - 2 بالل. زارداپ شەككەندەر تۋرالى اقپارات بولعان جوق.
«جاعداي تۇراقتى. تجم ازاماتتارعا سابىر ساقتاپ، دۇربەلەڭگە بەرىلمەۋگە كەڭەس بەرەدى»، - دەلىنگەن حابارلامادا.
