پاۆلودار وبلىسىندا اكىمنىڭ ورىنباسارى "زورلادى" دەگەن ادامعا قاتىستى ۇكىم شىقتى، دەپ حابارلايدى "ادىرنا" ۇلتتىق پورتالى.
وبلىستىق قىلمىستىق ىستەر جونىندەگى مامانداندىرىلعان اۋدانارالىق سوتى اسا ءىرى كولەمدە اقشا بوپسالاۋ ءىسى بويىنشا ۇكىم شىعاردى.
ىستە جابىرلەنۋشى بولىپ پاۆلودار وبلىسى اكىمىنىڭ ورىنباسارى سەرىك باتىرعوجينوۆ تانىلعان. ول 39 جاستاعى پاۆلودارلىق ايەلدى ءوزىن بوپسالادى دەپ ايىپتاعان.
القابيلەر ۇكىمدى 4 مامىر كۇنى شىعاردى.
“ونى 194-باپتىڭ 4-بولىگىنىڭ 2-تارماعى (بوپسالاۋ) بويىنشا كىنالى دەپ تانىپ، 3 جىلعا باس بوستاندىعىنان ايىرۋ، جازاسىن جالپى رەجيمدەگى تۇزەۋ مەكەمەسىندە وتەۋ جازاسى تاعايىندالسىن»، – دەدى سوت نۇرلان ايتباەۆ.
القابيلەر "زورلادى" دەپ اكىمنىڭ ورىنباسارىن ايىپتاعان ايەلدى ءبىراۋىزدان كىنالى دەپ تاپتى.
“ەرەكشە كۇتىمدى قاجەت ەتەتىن بالاڭىزدىڭ بار ەكەنىن ەسكەرە وتىرىپ سوت ەڭ جەڭىل جازا تاعايىندادى”، – دەدى سوت.
ايىپتالۋشى سوت زالىندا قاماۋعا الىندى.
ايتا كەتەيىك، جەلى قولدانۋشىلارىنىڭ ءبىرى باتىرعوجينوۆ پاۆلودارلىقتى زورلادى دەپ ايىپتاعان ەدى. ارتىنشا قىلمىستىق ءىس قوزعالىپ، دەرەك راستالمادى دەپ حابارلانعان. ءىىم باسشىسى ەرجان سادەنوۆ زورلاۋ دەرەگى راستالماعاننان سوڭ ءىس توقتاتىلعانىن حابارلاعان بولاتىن.
