بۇگىن تۇركىستان قالاسىنىڭ اكىمى ازىمبەك پازىلبەكۇلىنىڭ قالا اۋماعىنداعى 6 سەكتور بويىنشا كەزەكتى حالىقپەن كەزدەسۋى ياسسى سەكتورىنان باستالدى.
كەزدەسۋ بارىسىندا قالا اكىمى سەكتور اۋماعىندا اتقارىلعان جۇمىستار مەن 2024 جىلى كوتەرىلگەن ماسەلەلەردىڭ ورىندالۋ بارىسى تۋرالى بايانداما جاساپ، الداعى كەزەڭگە جوسپارلانعان جوبالارمەن تانىستىردى.
جەرگىلىكتى تۇرعىندار كارىز جەلىلەرى مەن جول ساپاسى، قوعامدىق كولىك قاتىناسى، جارىقتاندىرۋ جانە ينتەرنەت قولجەتىمدىلىگى سەكىلدى وزەكتى ماسەلەلەردى كوتەرىپ، ناقتى ۇسىنىستارىن جەتكىزدى. شاھار باسشىسى بارلىق سۇراقتارعا زاڭ اياسىندا ناقتى جاۋاپ بەرىپ، كەيبىر ماسەلەنى ورنىندا شەشىپ، جاۋاپتى سالا باسشىلارىنا ناقتى تاپسىرمالار جۇكتەدى.
جالپى، ياسسى سەكتورىندا تۇرعىندار تاراپىنان 20 ماسەلە كوتەرىلىپ، ولاردىڭ 7-ەۋى ناقتى شەشىمىن تاۋىپ، قالعان 13 ماسەلە قولدانىستاعى زاڭناما تالاپتارىنا سايكەس ءتۇسىندىرىلدى.
ازىمبەك پازىلبەكۇلى ءوز سوزىندە تۇركىستان قالاسىنىڭ دامۋ ديناميكاسىنا توقتالىپ، مەملەكەتتىك باعدارلامالار اياسىندا جۇزەگە اسىپ جاتقان ينفراقۇرىلىمدىق جوبالارمەن تانىستىرىپ، تۇرعىنداردىڭ بەلسەندىلىگى مەن ۇسىنىس-پىكىرلەرىنىڭ ماڭىزدىلىعىن اتاپ ءوتتى.
سونىمەن قاتار، تۇرعىنداردى قالانىڭ تازالىعى مەن قاۋىپسىزدىگىن بىرلەسە قامتاماسىز ەتۋگە شاقىردى.
كەزدەسۋ سوڭىندا قالا باسشىسى باستاعان سالا باسشىلارى تۇرعىنداردى جەكە ماسەلەلەرى بويىنشا قابىلداپ، ارىز-شاعىمدارىن تىڭدادى.
ايتا كەتەيىك، قالا اكىمىنىڭ حالىقپەن كەزدەسۋى 27 مامىر كۇنى ساعات 15:00- بىرلىك سەكتورىندا ورنالاسقان №27 مەكتەپتە، 28 مامىر كۇنى ساعات 10:00دە - 1-ءشى مولتەك اۋدانىندا ورنالاسقان №4 مەكتەپتە، 15:00دە - ساندىباەۆ كوشەسىندەگى №18 مەكتەپتە، 29 مامىر كۇنى ساعات 10:00دە- مادەني رۋحاني ورتالىقتا ورنالاسقان «ۇلى-دالا ورتالىعى» كەشەنىندە، 15:00دە- ءاىو-عى 9-شى كوشە بويىندا ورنالاسقان №33 مەكتەپتە وتەدى.
