قازاقستاندا سالىناتىن العاشقى اتوم ەلەكتر ستانتسياسىن (اەس) تۇرعىزۋ بويىنشا حالىقارالىق كونسورتسيۋمنىڭ كوشباسشىسى انىقتالدى، دەپ حابارلايدى “ادىرنا” ۇلتتىق پورتالى قازاقپاراتقا سىلتەپ.
قر اتوم ەنەرگياسى جونىندەگى اگەنتتىگى جۇرگىزگەن كەشەندى باعالاۋ ناتيجەسىندە رەسەيلىك “روساتوم” كومپانياسى ەڭ ءتيىمدى سەرىكتەس رەتىندە تانىلدى. جوبانىڭ باستاپقى كەزەڭىندە الەمنىڭ جەتەكشى ءتورت كومپانياسى – “روساتوم” (رەسەي), “China National Nuclear Corporation” (قىتاي), “Électricité de France” (فرانتسيا) جانە “Korea Hydro & Nuclear Power” (وڭتۇستىك كورەيا) – قىسقا تىزىمگە ىرىكتەلىپ، قازاقستاندا اەس سالۋعا قاتىستى تەحنيكالىق جانە كوممەرتسيالىق ۇسىنىستارىن ۇسىنعان.
ۇسىنىستاردا قۇرىلىستىڭ بولجامدى قۇنى، جوبانى ىسكە اسىرۋ مەرزىمدەرى، قارجىلاندىرۋ مودەلدەرى، جەرگىلىكتەندىرۋ تاسىلدەرى، كادر دايارلاۋ مەن عىلىمي الەۋەتتى دامىتۋ جولدارى، يادرولىق وتىن تسيكلىندەگى ىقپالداستىق مۇمكىندىكتەرى جانە الەۋمەتتىك
باعالاۋ ناتيجەسىندە ءبىرىنشى ورىن “روساتوم” كومپانياسىنا بەرىلسە، ەكىنشى ورىنعا قىتايدىڭ “China National Nuclear Corporation” كومپانياسى جايعاستى. فرانتسيا مەن وڭتۇستىك كورەيا كومپانيالارى ءۇشىنشى ورىننان كورىندى. قازىرگى تاڭدا “روساتوم” ۇسىنعان جوبالىق شەشىمدەر نەگىزىندە رەسەي تاراپىنان مەملەكەتتىك ەكسپورتتىق قارجىلاندىرۋ تارتۋ ماسەلەسى قاراستىرىلىپ جاتىر. قر اتوم ەنەرگياسى جونىندەگى اگەنتتىگى العاشقى اتوم ەلەكتر ستانتسياسىنىڭ قۇرىلىسىن جۇزەگە اسىرۋعا ارنالعان حالىقارالىق كونسورتسيۋمدى قالىپتاستىرۋ بويىنشا شەتەلدىك ارىپتەستەرىمەن جۇمىستى جالعاستىرۋدا.
