زەرتتەۋ جۇمىستارىن جۇرگىزۋدە زەرتتەۋ تاقىرىبىنا ءمان بەرۋىمىز قاجەت. زەرتتەۋ تاقىرىبىنان اۋىتقۋ نە بولماسا تاقىرىپ اياسىنان سىرت، سول تاقىرىپقا ساي كەلەدى دەپ ۇستەمەلەپ دەرەكتەر قوسا بەرۋ ءسىزدىڭ زەرتتەۋىڭىزگە دەگەن ەكسپەرتتەر مەن رەتسەنزەنتتەردىڭ باعاسىن تومەندەتۋى مۇمكىن.
زەرتتەۋ تاقىرىبىنان ءسال دە بولسا اۋىتقۋ ەكى جاعدايدا بولۋى مۇمكىن. ءبىرىنشىسى: زەرتتەۋشى سول تاقىرىپقا ءارى تەرەڭ بويلاپ ەنە الماعاندا; ەكىنشىسى: زەرتتەۋ ماقالانىڭ كولەمىن تولتىرۋ ءۇشىن.
ءبىرىنشى جاعدايدا بايقاپ وتىرعانىمىزداي، ماقالا كولەمدى، ءارى زەرتتەۋ تاقىرىبىنا بايلانىستى جيناعان ماتەريالدارىڭىز جەتكىلىكتى بولۋى شارت. مىسالى، سوڭعى التى ايدا ءبىر ماقالا جازۋ بارىسىندا 229 ادەبيەتتى اقتارىپ، بىرنەشە ءارحيۆتىڭ دەرەكتەرىن نەگىزگە الۋعا تىرىستىق. ناتيجەسىندە تاعى دا وڭدەي تۇسەتىن تۇستارى تابىلىپ، وسى سالادا تالاي جىل تەر توگىپ جۇرگەن عالىم اعالاردىڭ كەڭەسىمەن ىزدەگەن دەرەكتەردى تاۋىپ، قازىر قورىتىندىسىن جازۋ ۇستىندەمىز.
ال دەرەكتەر وسىلاي ەگجەي-تەگجەيلى جازىلماسا، وندا ماقالاڭىز ءوز ماقساتىن اشىپ بەرە الماۋى مۇمكىن. ەكىنشى جاعدايدا، ماقالا كولەمىن تولتىرۋ قانداي جاعدايدا ورىن الۋى مۇمكىن: ءاربىر جۋرنالدىڭ ءوزىنىڭ راسىمدەلۋ تالاپتارىنا بايلانىستى، تالاپ ەتەتىن ستيلدەرى بار; مىسالى، باسقاسىنا توقتالماي-اق قويالىق، جاي عانا ارا ستيلىنە سالۋ بارىسىندا 17 بەت ماقالاڭىز، كولەمى 7-8 بەتتەن اسپاي قالادى، ول كەزدە سول تاقىرىپقا سايكەس زەرتتەۋ پىكىرلەرىن قوسۋ، تاقىرىپقا ساي تالقىلاۋ ءبولىمىن ۇلعايتۋعا تۋرا كەلەدى. وسىنداي تولىقتىرۋلار كەزىندە ماقالا باستاپقى كولەمىنەن دە، مازمۇنى جاعىنان اۋىتقيدى دا، حالىقارالىق ەكسپەرتتەن وتپەيتىن جاعداي كەزدەسەدى.
كەلەسى ماسەلە: زەرتتەۋ ادىستەرى ءبولىمى. وسى ۋاقىتقا دەيىنگى تاجىريبەمىز كورسەتكەندەي، بۇل بولىمدە كورسەتىلگەن ادىستەر ناقتى تالدانۋى ءتيىس. مىسالى، Delve كومەگىمەن ءسىز دەرەكتەردى قالاي تالدايسىز، ونى زەرتتەۋ ماقساتىڭىزدا قالاي تۇسىندىرەسىز، زەرتتەۋ تاقىرىبىڭىزدى كودتاۋدى قالاي جۇزەگە اسىرا الاسىز دەگەن سىندى مالىمەتتەرگە بىردەن جاۋاپ الىپ، مەتودولوگيالىق ءارى تەوريالىق ءبىلىمىڭىزدى پراكتيكالىق جۇمىس ناتيجەلەرىمەن كورسەتە الاسىز.
Delve - زەرتتەۋشىلەرگە ساپالى دەرەكتەردى تالداۋعا كومەكتەسەتىن ونلاين-باعدارلامالىق جاساقتاما. Delve-ءدى ۇيرەنۋ وڭاي، جانە ساپالى زەرتتەۋلەر ءۇشىن جاڭا ساپادا جۇرگەن نەمەسە ساپالى ادىسنامالىق كۋرستا ساباق بەرەتىندەر ءۇشىن وتە ىڭعايلى.
ءسىز ماگيستر بولساڭىز دا، دوكتورانت بولساڭىز دا، وسى جولداردان ءساتتى ءوتىپ، ەڭبەك جولىڭىزدى جالعاستىرىپ جاتقان مامان بولساڭىز دا، عىلىمي جۇمىس ءسىزدى قىزىقتىرا ما، بۇل جانىڭىزعا جاقىن سالا ما، وسىنى انىقتاپ العانىڭىز ءجون بولادى...
