Äleumettık jelılerde Almatydaǧy "Medeu" sport keşenı aumaǧynan ūşyp şyqqan "Qazaviaqūtqaru" tıkūşaǧynyŋ videosy tarady, dep habarlaidy "Adyrna" ūlttyq portaly.
Kuägerlerdıŋ aituynşa, äuege köterılu kezınde äue kölıgı bırneşe ret qisaiyp, aǧaştyŋ būtaqtaryna da tigen. Köpşılık bolǧan jaǧdaidan qatty qorqyp qalǧan.
Kadrlarda tıkūşaqtyŋ dereu köterıle almai, tepe-teŋdıgın saqtai almai jatqan sätterı anyq körınedı.
"Azamattardy qauıpsız qaşyqtyqta boluǧa aldyn ala eskertkenbız" – deidı mamandar.
"Qazaviaqūtqaru" aksionerlık qoǧamynyŋ baspasöz qyzmetı tıkūşaq ūşuynyŋ aldyn ala josparlanǧanyn jäne resmi ūşu alaŋynan jüzege asqanyn habarlady.
"Ūşar aldynda bortmehanik azamattarǧa qauıpsızdık şaralaryn saqtau qajettıgın eskertken", – dep mälımdedı kompaniia ökılderı.
Aldyn ala mälımetke säikes, ūşu kezınde jeldıŋ baǧyty men küşı kürt özgerıp, būl tıkūşaqtyŋ tūraqtylyǧyna äser etuı mümkın. Oqiǧanyŋ naqty sebepterı "Qazaviaqūtqaru" jürgızıp jatqan ışkı tekserıs nätijesınde anyqtalmaq.
"Oqiǧadan keiın jedel äreket etu toby äue kemesın tekserıp, tehnikalyq aqaular anyqtalmady", – dedı mekeme.
