TÄJIKTALAǦAN...
Qazaq – jappai vitamin jetıspeuşılıgıne ūşyraǧan ūlt. Vitaminder men aǧzaǧa qajettı basqa da mikroelementterdıŋ jetıspeuşılıgı ūiatsyzdyqty tudyrady.
Qūramy türlı därumenderge bai närlı as ışpeitın halyqta ūiat bolmaidy. Bır sözben aitqanda, kedei halyqta ūjdan bolmaidy. Körıp otyrmyz – ūzaqqa sozylǧan tän azyǧynyŋ jetıspeuşılıgı halyqty jūt jylǧy mal siiaqty – yndynsyz, aşköz qyp jıbergen.
Al jan azyǧy – ūlttyq ruhani qorektıŋ jetıspeuşılıgı – halyqtyŋ azǧyndaluy men arsyzdanuyna äkelıp soǧady. Mūndai jaǧdaida ideologiialyq haos ornaidy. Osynau ideologiialyq daǧdarysty retteu üşın memleket ruhani vakumdy şeteldık ekspansiialyq qoqystarmen toltyruǧa tyrasyp keledı. Alaida tekke aram ter boluda. Sebebı eşqandai ruhani import (dın, muzyka, televidenie men sahnalardy jaulap alǧan şeteldık tok şoulardyŋ köşırmelerı t.b.) ūlttyq ruhani qorektıŋ ornyn toltyra almaidy. Mūny bilıktegı ideologiia maidanyna jauapty şeneunıkter bılmeidı. Bıletınderı – därmensız. Sebebı Nazarbaev rejimı ūltqa bolsyn degen ūstanymmen elge qyzmet etetın, etkısı keletın tūlǧalardy (kadrlardy) joiyp jıberdı. Bıren-saran bilıkte qalǧandary boiyn jasyryp otyr. Öitkenı abyroi tappaitynyn, būl üşın tıptı jazalanatynyn bıledı.
Halyqtyŋ azyp-tozyp bara jatqandyǧynyŋ negızgı ekı faktory osy. Mūnyŋ saldaryn körudei körıp kele jatsyzdar. Keşe taǧy kuä boldyŋyzdar.
Osydan keiın "Sanany tūrmys bileidı" – degen K.Markstı äulie demei kör.
Bilık halyqty baqytty etu üşın osy ekı azyqqa – jan azyǧy men tän azyǧyna qatar "toidyruy" kerek. Sonda 'Qoi üstınde boztorǧai jūmyrtqalaǧan zaman ornamaq". Qarny toq, bıraq jany aş halyq ta qauıptı. Sondyqtan bilık – halyqty baqytty häm baquatty etu üşın onyŋ jany men tänıne qajet osy ekı azyqpen tolyq qamtamasyz etuı kerek. Bıraq halyqty baqytty etem deuşı bilıktı äzırge körıp tūrǧan joqpyn...
Ūqsas jaŋalyqtar
