QR Parlamentınde öte dūrys mäsele köterıldı.
Berık Düisenbinov aǧamyz eldegı jalǧan kvazimemlekettık kompanilardyŋ tızımın atady. Olardyŋ sany 6000-nan asyp jyǧylady eken. Eŋ bır soraqysy - osy köleŋkelı ekonomikanyŋ köşbasşylary bolyp otyrǧan kvazimemlekettık kompaniialar memleket tabysynyŋ 60 paiyzyna juyǧyn qaltalaryna basyp otyr eken. Būl degen masqara ǧoi. Sızdıŋ salyǧyŋyz ben tölemderıŋızdıŋ teŋ jartysynan astamyn osylar jymqyryp otyr degen söz.
Al, endı özım ainalysyp jürgen jer dauy mäselesıne keleiın. Bızdıŋ audanda Altyntöbe auyly okrugı men Qarabau auyl okrugınde 15000 halyqtyŋ nesıbesı bolyp otyrǧan 20000 gektardan asa jerdı "Türkıstan" äleumettık käsıpkerlık korporasiiasy men "Agraryq ǧylymi bılım beru ortalyǧy" menşıktep alǧan. Bır qyzyǧy - QR-da äleumettık käsıpkerlık korporasiialar turaly zaŋ da joq, ony qorǧaityn tetık te joq. Bıraq osy zaŋsyz qūrylymdar halyqtyŋ mülkın ielenıp, bır bırımen arazdastyryp otyr.
2009 jyly "Äleumettık käsıpkerlık korporasiialar" turaly zaŋ jobasy Parlamentke ükımettıŋ qaulysymen berılgen. Bıraq Parlament zaŋ jobasyn qabyldamai, kerı qaitaryp tastaǧan. Qaita taǧy da ükımettıŋ qaulysymen berılgende, taǧy da qaitaryp tastaǧan. Zaŋsyz qūrylym SPK (Sosialnaia predprinimatelskaia korporasiia) halyqtyŋ jerın menşıktep alyp, milliardtap qarajat tauyp keldı. Halyqqa müldem paidasy bolmady. Kerısınşe, tabysynan qaǧyp, jūmyssyz qaldyryp, aǧaiyndy alty eldı mekendı alauyz qylyp bıttı. Paida tapqan tek SPK-men sybailas lobbistter ǧana bolyp, halyqtyŋ äleumettık jaǧdaiy jaiynda qaldy. Bergen uädelerınıŋ bırı de oryndalmady.
Berık Düisenbinov aǧamyz öte dūrys bastama köterıp otyr. Būlardyŋ mülkınıŋ bärın tärkılep, memlekettık biudjetke qaitaru kerek dedı. Qoldaimyn. Tärkılep, ūrlyqtyŋ bärınıŋ betın aşyp, jazasyn beru kerek.
Qazyǧūrt audanynda Altyntöbe auyly okrugı men Qarabau auyl okrugınıŋ jerlerı osyndai zaŋsyz qūrylymnyŋ menşıgınde tūr. Halyqta ne jer joq, ne jūmys joq, ne käsıp joq.
Qūrmettı, estitın memlekettık basşylary!
Sızderden osy zaŋsyzdyqtardyŋ bärınıŋ aldyn alyp, halyqty aşyndyrmai, qūqyn retke keltırıp berulerıŋızdı talap etemız!
Parlament mäjılısındegı basqa da deputattar:
Qazybek İsa
Janarbek Äşımjan
Edıl Jaŋbyrşin aǧalaryma da osy kürdelı mäselelerdı jetızgım keledı.
Aǧalar, bız jaqta halyq qinalyp otyr. Bız jaqtaǧy jūrtşylyqtyŋ zary men mūŋyna qūlaq türıŋızder!
Bekbolat QARJAN,
"Adyrna" ūlttyq portaly
