Prezıdent Qasym-Jomart Toqaevtyń Ákimderdiń halyqpen kezdesýlerin ótkizý týraly Jarlyǵy shyqty. Bul týraly Aqorda habarlady.
«Qazaqstan Respýblıkasynyń Prezıdenti týraly» Qazaqstan Respýblıkasy Konstıtýııalyq zańynyń 17 jáne 21-baptaryna sáıkes jáne qoǵamdy odan ári demokratııalandyrý, elde júrgizilip jatqan reformalar týraly halyqty habardar etý, jergilikti atqarýshy organdardyń ashyqtyǵyn, jaýapkershiligin, eseptiligin arttyrý maqsatynda QAÝLY ETEMIN:
- Barlyq deńgeıdegi ákimder jyl boıy halyqpen kezdesýler ótkizsin, olardyń barysynda halyqty tolǵandyratyn áleýmettik máselelerge basa nazar aýdara otyryp, Qazaqstandy jańǵyrtýdyń jańa baǵdarynyń negizgi baǵyttary týraly habardar etsin jáne problemalyq máselelerdi sheshýdiń joldary men merzimderin túsindirsin.
- Oblystardyń, respýblıkalyq mańyzy bar qalalardyń, astananyń ákimderi:
1) jyl saıyn 15 qańtarǵa deıin mynalardy:
jarty jylda bir ret oblys ákiminiń ár aýdanda jáne oblystyq mańyzy bar ár qalada keminde bir kóshpeli kezdesýin;
respýblıkalyq mańyzy bar qala, astana ákiminiń qalanyń ár aýdanynda toqsan saıyn keminde bir kóshpeli kezdesýin;
aýdan ákiminiń ár aýylda, kentte, aýyldyq okrýgte, aýdandyq mańyzy bar qalada toqsan saıyn keminde bir kóshpeli kezdesýin;
oblystyq jáne aýdandyq mańyzy bar qala, aýyldyq okrýg ákiminiń qalanyń, aýyldyq okrýgtiń quramyna kiretin ár aýdanda (shaǵyn aýdanda), aýylda, kentte toqsan saıyn keminde bir kóshpeli kezdesýin;
aýyl, kent, qaladaǵy aýdan ákiminiń toqsan saıyn keminde bir kezdesýin ótkizý kózdelgen ákimderdiń halyqpen kezdesýleriniń ıkemdi jyldyq kúntizbesin (budan ári – kúntizbe) ázirlep, ony máslıhatpen kelisý boıynsha bekitip otyrsyn.
Qajet bolǵan jaǵdaıda kúntizbeni máslıhatpen kelisý boıynsha túzetýge jol beriledi;
2) jyl saıyn 20 qańtarǵa deıin Qazaqstan Respýblıkasynyń Úkimetine bekitilgen kúntizbeni usynsyn.
- Barlyq deńgeıdegi ákimder:
1) halyqtyń talap etýi boıynsha jáne qajet bolǵan kezde kúntizbeden tys halyqpen kezdesý ótkizsin;
2) tehnıkalyq múmkindikterdi eskere otyryp, halyqtyń áleýmettik jelilerdegi resmı akkaýnttarda mindetti túrde pikir bildirý múmkindigimen onlaın-translıaııalar, sondaı-aq qajet bolǵan jaǵdaıda beınekonferenbaılanys uıymdastyrý arqyly kezdesýler ótkizýdi qamtamasyz etsin;
3) kezdesý úshin josparlanǵan ýaqyttyń tórtten birden aspaıtyn bóligin baıandamany tanystyrýmen, ýaqyttyń qalǵan bóligin «suraq-jaýap» formatynda ótkizsin;
4) halyqpen kezdesýler ótkizgenge deıin:
problemalyq máselelerdiń pýlyn jasaý úshin jergilikti qoǵamdastyq jınalysy jáne qoǵamdyq keńester músheleriniń qatysýymen halyqtyń suraýlary men usynystaryn jınaý jóninde komıssııa qurýdy;
ashyq derekterdiń ınternet-portalyna jáne ákimderdiń blog-platformasyna, sondaı-aq kommýnıkaııanyń basqa da nysandarynda halyqtan kelip túsken suraýlar men usynystardy jınaýdy jáne taldaýdy;
buqaralyq aqparat quraldarynda, onyń ishinde óńirlik baspa basylymdarynda, radıoda, resmı ınternet-resýrstarda jáne «elektrondyq úkimet» veb-portalynda, ashyq derekter ınternet-portalynda, sondaı-aq ákimdikterdiń (ákimder apparattarynyń) resmı akkaýnttarynda, áleýmettik jelilerde jáne barlyǵyna qoljetimdi jerlerde aqparattyq-nasıhat jumysyn júrgizýdi;
ákimniń halyqpen kezdesýin ótkizý týraly habarlandyrýdy:
oblys, respýblıkalyq mańyzy bar qala jáne astana, aýdan, oblystyq jáne aýdandyq mańyzy bar qala ákimi ótkizetin kezdesý kúnine deıin eki apta buryn;
aýyl, kent, aýyldyq okrýg, qaladaǵy aýdan ákimi ótkizetin kezdesý kúnine deıin bir apta buryn uıymdastyrýdy qamtamasyz etsin;
5) halyqpen kezdesýler ótkizgennen keıin:
jergilikti atqarýshy organdardyń, prokýratýra jáne ishki ister organdarynyń basshylyq quramymen, máslıhat depýtattarymen, qoǵamdyq keńester múshelerimen, jergilikti zııalylarmen birlesip, azamattardy jeke qabyldaýdy ótkizsin;
problemalyq máselelerdi qarjylandyrý múmkindigin máslıhat sessııasynda qaraı otyryp, júıege keltirsin;
kezdesýler men azamattardy qabyldaý aıaqtalǵan kúnnen bastap kúntizbelik on kúnnen keshiktirmeı, ótkizilgen kezdesýlerdiń qorytyndylary týraly aqparatty, problemalyq máselelerdiń tizbesin, problemalyq máselelerdi sheshýdiń naqty merzimderin, jaýapty oryndaýshylardy kórsete otyryp, olardy sheshý jónindegi is-qımyl josparyn buqaralyq aqparat quraldarynda, onyń ishinde resmı ınternet-resýrstarda jáne «elektrondyq úkimet» veb-portalynda ornalastyrýdy qamtamasyz etsin;
toqsan saıyn esepti kezeńnen keıingi aıdyń 25-kúnine qaraı kezdesýlerde halyq kótergen problemalyq máselelerdi sheshý barysy týraly aqparatty resmı ınternet-resýrstarda jáne «elektrondyq úkimet» veb-portalynda ornalastyrsyn.
- Ákimdikter men ákimder apparattary kezdesýlerge múddeli tulǵalardyń aýqymdy aýdıtorııasyn, onyń ishinde máslıhat depýtattaryn, partııalar, qoǵamdyq uıymdar men oppozıııa ókilderin tartsyn.
- Qazaqstan Respýblıkasynyń Úkimeti:
1) jyl saıyn esepti jyldan keıingi 1 aqpanǵa deıin óńirlerdiń bekitilgen kúntizbelerin Qazaqstan Respýblıkasy Prezıdentiniń Ákimshiligine usynýdy;
2) jyl saıyn esepti jyldan keıingi jyldyń 15 aqpanyna jáne 15 tamyzyna deıin ortalyq atqarýshy organdar, ulttyq holdıngter men kompanııalar deńgeıinde sheshýdi talap etetin problemalyq máselelerdiń tizbesin jáne olardy sheshý jónindegi usynystardy jınaýdy;
3) ákimderdiń halyqpen kóshpeli kezdesýleriniń qorytyndysy boıynsha halyq kótergen máselelerdi sheshý joldary men olardyń oryndalý barysyn kórsete otyryp, olardyń ishinen quzyretine kiretin problemalyq máselelerdiń tizbesin ortalyq atqarýshy organdardyń, ulttyq holdıngterdiń, kompanııalardyń resmı ınternet-resýrstarynda ornalastyrýdy jáne toqsan saıyn jańartýdy qamtamasyz etsin.
- Osy Jarlyqqa qosymshaǵa sáıkes Qazaqstan Respýblıkasy Prezıdentiniń keıbir jarlyqtarynyń kúshi joıyldy dep tanylsyn.
- Osy Jarlyqtyń oryndalýyn baqylaý Qazaqstan Respýblıkasy Prezıdentiniń Ákimshiligine júktelsin.
- Osy Jarlyq alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń
Prezıdenti Q.Toqaev
