Prezident Qasym-Jomart Toqaevtyŋ Äkımderdıŋ halyqpen kezdesulerın ötkızu turaly Jarlyǧy şyqty. Būl turaly Aqorda habarlady.
«Qazaqstan Respublikasynyŋ Prezidentı turaly» Qazaqstan Respublikasy Konstitusiialyq zaŋynyŋ 17 jäne 21-baptaryna säikes jäne qoǧamdy odan ärı demokratiialandyru, elde jürgızılıp jatqan reformalar turaly halyqty habardar etu, jergılıktı atqaruşy organdardyŋ aşyqtyǧyn, jauapkerşılıgın, eseptılıgın arttyru maqsatynda
QAULY ETEMIN:
- Barlyq deŋgeidegı äkımder jyl boiy halyqpen kezdesuler ötkızsın, olardyŋ barysynda halyqty tolǧandyratyn äleumettık mäselelerge basa nazar audara otyryp, Qazaqstandy jaŋǧyrtudyŋ jaŋa baǧdarynyŋ negızgı baǧyttary turaly habardar etsın jäne problemalyq mäselelerdı şeşudıŋ joldary men merzımderın tüsındırsın.
- Oblystardyŋ, respublikalyq maŋyzy bar qalalardyŋ, astananyŋ äkımderı:
1) jyl saiyn 15 qaŋtarǧa deiın mynalardy:
jarty jylda bır ret oblys äkımınıŋ är audanda jäne oblystyq maŋyzy bar är qalada kemınde bır köşpelı kezdesuın;
respublikalyq maŋyzy bar qala, astana äkımınıŋ qalanyŋ är audanynda toqsan saiyn kemınde bır köşpelı kezdesuın;
audan äkımınıŋ är auylda, kentte, auyldyq okrugte, audandyq maŋyzy bar qalada toqsan saiyn kemınde bır köşpelı kezdesuın;
oblystyq jäne audandyq maŋyzy bar qala, auyldyq okrug äkımınıŋ qalanyŋ, auyldyq okrugtıŋ qūramyna kıretın är audanda (şaǧyn audanda), auylda, kentte toqsan saiyn kemınde bır köşpelı kezdesuın;
auyl, kent, qaladaǧy audan äkımınıŋ toqsan saiyn kemınde bır kezdesuın ötkızu közdelgen äkımderdıŋ halyqpen kezdesulerınıŋ ikemdı jyldyq küntızbesın (būdan ärı – küntızbe) äzırlep, ony mäslihatpen kelısu boiynşa bekıtıp otyrsyn.
Qajet bolǧan jaǧdaida küntızbenı mäslihatpen kelısu boiynşa tüzetuge jol berıledı;
2) jyl saiyn 20 qaŋtarǧa deiın Qazaqstan Respublikasynyŋ Ükımetıne bekıtılgen küntızbenı ūsynsyn.
- Barlyq deŋgeidegı äkımder:
1) halyqtyŋ talap etuı boiynşa jäne qajet bolǧan kezde küntızbeden tys halyqpen kezdesu ötkızsın;
2) tehnikalyq mümkındıkterdı eskere otyryp, halyqtyŋ äleumettık jelılerdegı resmi akkaunttarda mındettı türde pıkır bıldıru mümkındıgımen onlain-transliasiialar, sondai-aq qajet bolǧan jaǧdaida beinekonferensbailanys ūiymdastyru arqyly kezdesuler ötkızudı qamtamasyz etsın;
3) kezdesu üşın josparlanǧan uaqyttyŋ törtten bırden aspaityn bölıgın baiandamany tanystyrumen, uaqyttyŋ qalǧan bölıgın «sūraq-jauap» formatynda ötkızsın;
4) halyqpen kezdesuler ötkızgenge deiın:
problemalyq mäselelerdıŋ pulyn jasau üşın jergılıktı qoǧamdastyq jinalysy jäne qoǧamdyq keŋester müşelerınıŋ qatysuymen halyqtyŋ sūraulary men ūsynystaryn jinau jönınde komissiia qūrudy;
aşyq derekterdıŋ internet-portalyna jäne äkımderdıŋ blog-platformasyna, sondai-aq kommunikasiianyŋ basqa da nysandarynda halyqtan kelıp tüsken sūraular men ūsynystardy jinaudy jäne taldaudy;
būqaralyq aqparat qūraldarynda, onyŋ ışınde öŋırlık baspa basylymdarynda, radioda, resmi internet-resurstarda jäne «elektrondyq ükımet» veb-portalynda, aşyq derekter internet-portalynda, sondai-aq äkımdıkterdıŋ (äkımder apparattarynyŋ) resmi akkaunttarynda, äleumettık jelılerde jäne barlyǧyna qoljetımdı jerlerde aqparattyq-nasihat jūmysyn jürgızudı;
äkımnıŋ halyqpen kezdesuın ötkızu turaly habarlandyrudy:
oblys, respublikalyq maŋyzy bar qala jäne astana, audan, oblystyq jäne audandyq maŋyzy bar qala äkımı ötkızetın kezdesu künıne deiın ekı apta būryn;
auyl, kent, auyldyq okrug, qaladaǧy audan äkımı ötkızetın kezdesu künıne deiın bır apta būryn ūiymdastyrudy qamtamasyz etsın;
5) halyqpen kezdesuler ötkızgennen keiın:
jergılıktı atqaruşy organdardyŋ, prokuratura jäne ışkı ıster organdarynyŋ basşylyq qūramymen, mäslihat deputattarymen, qoǧamdyq keŋester müşelerımen, jergılıktı ziialylarmen bırlesıp, azamattardy jeke qabyldaudy ötkızsın;
problemalyq mäselelerdı qarjylandyru mümkındıgın mäslihat sessiiasynda qarai otyryp, jüiege keltırsın;
kezdesuler men azamattardy qabyldau aiaqtalǧan künnen bastap küntızbelık on künnen keşıktırmei, ötkızılgen kezdesulerdıŋ qorytyndylary turaly aqparatty, problemalyq mäselelerdıŋ tızbesın, problemalyq mäselelerdı şeşudıŋ naqty merzımderın, jauapty oryndauşylardy körsete otyryp, olardy şeşu jönındegı ıs-qimyl josparyn būqaralyq aqparat qūraldarynda, onyŋ ışınde resmi internet-resurstarda jäne «elektrondyq ükımet» veb-portalynda ornalastyrudy qamtamasyz etsın;
toqsan saiyn eseptı kezeŋnen keiıngı aidyŋ 25-künıne qarai kezdesulerde halyq kötergen problemalyq mäselelerdı şeşu barysy turaly aqparatty resmi internet-resurstarda jäne «elektrondyq ükımet» veb-portalynda ornalastyrsyn.
- Äkımdıkter men äkımder apparattary kezdesulerge müddelı tūlǧalardyŋ auqymdy auditoriiasyn, onyŋ ışınde mäslihat deputattaryn, partiialar, qoǧamdyq ūiymdar men oppozisiia ökılderın tartsyn.
- Qazaqstan Respublikasynyŋ Ükımetı:
1) jyl saiyn eseptı jyldan keiıngı 1 aqpanǧa deiın öŋırlerdıŋ bekıtılgen küntızbelerın Qazaqstan Respublikasy Prezidentınıŋ Äkımşılıgıne ūsynudy;
2) jyl saiyn eseptı jyldan keiıngı jyldyŋ 15 aqpanyna jäne 15 tamyzyna deiın ortalyq atqaruşy organdar, ūlttyq holdingter men kompaniialar deŋgeiınde şeşudı talap etetın problemalyq mäselelerdıŋ tızbesın jäne olardy şeşu jönındegı ūsynystardy jinaudy;
3) äkımderdıŋ halyqpen köşpelı kezdesulerınıŋ qorytyndysy boiynşa halyq kötergen mäselelerdı şeşu joldary men olardyŋ oryndalu barysyn körsete otyryp, olardyŋ ışınen qūzyretıne kıretın problemalyq mäselelerdıŋ tızbesın ortalyq atqaruşy organdardyŋ, ūlttyq holdingterdıŋ, kompaniialardyŋ resmi internet-resurstarynda ornalastyrudy jäne toqsan saiyn jaŋartudy qamtamasyz etsın.
- Osy Jarlyqqa qosymşaǧa säikes Qazaqstan Respublikasy Prezidentınıŋ keibır jarlyqtarynyŋ küşı joiyldy dep tanylsyn.
- Osy Jarlyqtyŋ oryndaluyn baqylau Qazaqstan Respublikasy Prezidentınıŋ Äkımşılıgıne jüktelsın.
- Osy Jarlyq alǧaşqy resmi jariialanǧan künınen bastap qoldanysqa engızıledı.
Qazaqstan Respublikasynyŋ
Prezidentı Q.Toqaev
