Tanymal aitysker aqyn, bügınde «Alatau» dästürlı öner teatrynyŋ direktory qyzmetın atqaryp jürgen Rinat Zaitov Prezident Qasym-Jomart Toqaevtyŋ Qazaqstan halqyna Joldauyna pıkır bıldırdı dep habarlady "Adyrna" portaly turkystan.kz saityna sıltep.
«Memleket basşysy Qasym-Jomart Kemelūly Toqaev qos Palatanyŋ bırlesken otyrysyna qatysyp, Qazaqstan halqyna Joldauyn arnady. Būl Joldaudy bız asyǧa küttık, ülken qobaljumen tyŋdadyq. Sebebı, osy joly Prezident būrynǧy dästürdı özgertıp, eldıŋ negızgı baǧyt-baǧdaryn aiqyndau, Jaŋa Qazaqstandy qūru boiynşa naqty qadamdardy atady», – dep bastady sözın ol.Odan ärı aitysker Prezidenttıŋ qaŋtar qasıretı men jaŋa oblystardy aşuǧa qatysty oilarymen tolyq kelısetının atap öttı.
«Qaŋtar oqiǧasy», odan keiın bolǧan elımızdegı bırqatar kütpegen jaǧdailar, osylardyŋ barlyǧy bır tüiındı qajet ettı. Sol tüiın bügın aityldy dep oilaimyn öz basym. Qazaqstan azamattarynyŋ da köŋılınen şyqty dei alamyn. Atap aitatyn bolsam, eŋsesı tüsıp, äbden tozyŋqyrap qalǧan öŋırlerdıŋ qaita jandanuyna mümkındık berıp, Abai, Ūlytau, Jetısu oblystary aşyldy. Būl soŋy emes bolar. Öitkenı, bızde älı de ondai aimaqtar bar», – dedı ol.Sonymen qatar, ol Toqaevtyŋ Konstitusiialyq sot, Ūlttyq qūryltai, Esep komitetınıŋ ornyna joǧary auditorlyq Palata qūru, Mäslihat töraǧasy lauazymyn engızu, sailau zaŋnamalarynyŋ saqtaluyn qadaǧalau üşın baiqauşylardyŋ qūqyqtary men jauapkerşılıgın naqty belgıleu, majoritarlyq sailau jüiesın qoldanu, Prezidenttıŋ ökılettık kezeŋınde partiiaǧa müşelıgın toqtatu mındetın zaŋnamalyq türde resımdeu, äkımder men olardyŋ orynbasarlaryna partiia filialdarynda qyzmet atqaruǧa zaŋ jüzınde tyiym salu, būqaralyq aqparat qūraldarynyŋ bäsekege qabılettı jäne erkın boluyna qatysty ūsynystaryna qoldau bıldırdı.
«Osy ūsynystardyŋ bärı bız üşın ülken quanyş. Barlyǧy tegıs qūptarlyq. Taǧy bır köŋıl quantatyny, Almaty oblysynyŋ ortalyǧy Qapşaǧaiǧa Qonaevtyŋ esımın beru turaly aityldy. Eger taŋdau halyq jaqta bolsa, qazırdıŋ özınde 80 paiyzy qoldaidy. Özınıŋ basşylyq mysymen, Prezidenttık ökılettılıgımen osy jyldyŋ ortasyna deiın joǧaryda atalǧandardyŋ oryndaluyn talap etuı bız üşın sert bergenmen bırdei boldy. Qūdai būiyrtsa, Joldau eşqandai kedergısız elımızge oŋtaily özgerıster äkeledı. Sony köruge jazsyn. Jasasyn, Jaŋa Qazaqstan! Prezident Joldauyna alǧys bıldıremız», – dedı aqyn.
Ūqsas jaŋalyqtar
