Qazaqstannyŋ Efiopiiadaǧy Elşısı, Afrika odaǧy janyndaǧy Tūraqty Ökılı Barlybai Sadyqov efiopiialyq basylymdardyŋ jurnalisterı üşın brifing ötkızdı. Būl turaly Qazaqstan Respublikasynyŋ Efiopiiadaǧy elşılıgı jariialady, dep habarlaidy “Adyrna” ūlttyq portaly.
Is-şaraǧa Efiopiialyq teleradiokorporasiiasynyŋ, Oromiialyq teleradiokorporasiiasynyŋ ökılderı, jäne Efiopiianyŋ «Capital» gazetınıŋ bas redaktory qatysty.
Elşı Efiopiia qoǧamyn Qazaqstan Respublikasynyŋ Prezidentı Qasym-Jomart Toqaevtyŋ 2021 jylǧy 1 qyrküiektegı Qazaqstan halqyna Joldauynyŋ negızgı erejelerı turaly habardar ettı. Joldauda Prezident ärbır Qazaqstan azamatynyŋ äl-auqatyn jaqsartu, qūqyqtary men bostandyqtaryn nyǧaitu maqsatynda eldegı ekonomikalyq, saiasi jäne äleumettık reformalardy odan ärı jalǧastyru qajettılıgıne basa nazar audarǧanyn atap ötıldı.
“Brifing barysynda Qazaqstannyŋ qauıpsızdık pen beibıtşılıktı nyǧaitu, iadrolyq qarusyzdanu men taratpau, terrorizmmen küresu, bıtımgerşılık, dınaralyq kelısım salasyndaǧy halyqaralyq bastamalary egjei-tegjeilı talqylandy. Qazaqstan Elşısı ü.j. 6 qazanda Nūr-Sūltan qalasynda ötken Älemdık jäne dästürlı dınder köşbasşylary sezı hatşylyǧynyŋ otyrysy jäne 2022 jyly VII Sezınıŋ ötkızıluı josparlanǧany turaly aityp berdı. Aǧymdaǧy jyldyŋ 12 qazanynda Nūr-Sūltanda ötken AÖSŞK Ministrler kezdesuınde aitylǧan Qazaqstannyŋ AÖSŞK-ge töraǧalyǧynyŋ basymdyqtary jurnalisterge tüsındırıldı”, - delıngen habarlamada.
Sondai-aq, efiopiialyq jurnalister daǧdarystardy eŋserudegı, syrtqy serıktestermen dostyq qarym-qatynasty damytudaǧy qazaqstandyq täjıribege, Qazaqstan men Efiopiia arasyndaǧy ekıjaqty yntymaqtastyqty damytudyŋ perspektivalaryna joǧary baǧa berdı.
“Adyrna” ūlttyq portaly
