Suleiman Demirel atyndaǧy universitet studentterı QR Bılım jäne ǧylym ministrlıgı ūiymdastyrǧan «BILIM Hackathon 2022» IT baiqauynda üşınşı oryndy ielendı. Bılımgerler jarysta mümkındıgı şekteulı oquşylarǧa arnalǧan jobalaryn ūsyndy, dep jazady "Adyrna" ūlttyq portaly.
Saiysqa qatysuşylarǧa türlı tapsyrmalar berıldı. Studentter erkın taqyrypta da, berılgen taqyryp boiynşa da bılım beru salasyndaǧy sifrlyq şeşımder boiynşa joba daiyndady. Qazylar alqasynyŋ şeşımımen jüldelı üşınşı oryn SDU studentterınıŋ komandasyna būiyrdy.
Olardyŋ jobasy mümkındıgı şekteulı oquşylar men studentterge arnalǧan. 2 kurs studentı Qajymūqan Reimbaevtyŋ aituynşa, olar tyŋ iediany 24 saǧatta oilap tapqan.
«Jarysta ūsynǧan jobamyz mümkındıgı şekteulı jandarǧa arnalǧan. Mektep oquşylary arnaiy qolǧapty kiıp, ym-işara arqyly oiyn jetkızedı. Bız oilap tapqan qūrylǧy olardyŋ oiyn tüsınıktı tılge ainaldyryp beredı. Taǧy bır ideiamyz zaǧip jandarǧa arnalǧan. Oquşylar men studentter üşın oqulyqtaǧy ärıpterdı brail şriftıne ainaldyratyn qūrylǧy men qosymşa oilap taptyq. Būl jobalardy oilap tabu üşın bızge 24 saǧat uaqyt berıldı. Jarysta 72 komandanyŋ ışınde III oryn alyp, 500 myŋ teŋge ūtyp aldyq. Aldaǧy uaqytta būl jobalarymyzǧa jüzege asyramyz», – dedı Aqparattyq jüieler mamandyǧynyŋ studentı.2022 jyldyŋ 26-27 nauryzynda ötken caiystyŋ jeŋımpazdaryn Bılım jäne ǧylym ministrı Ashat Aimaǧambetov marapattady. Jarysqa qatysuǧa elımızdıŋ barlyq öŋırınen 107 komanda ötınış berdı. 230 studentten qūralǧan 72 komanda finalǧa joldama aldy. Jülde qory 3,5 million teŋgenı qūrady. Jeŋımpaz studentter aqşalai syilyqtarmen qosa, Daryn online, BTS Education, EDUS jäne Mail.kz jäne basqa da qazaqstandyq IT-kompaniialarda jūmysqa ornalasu mümkındıgıne ie boldy. Baiqau bılım men ǧylym salasynda jaŋa IT jobalardy jasauǧa bastamaşylyq etu, IT mamandardy yntalandyru maqsatynda ūiymdastyryldy.
"Adyrna" ūlttyq portaly
