Dıni sauaty az azamattar terıs aǧymdardyŋ jetegıne erıp, dūrys joldan taiyp jatady. Al olardy aram piǧyldy aǧymdardyŋ qarmaǧynan saqtau üşın, sauattylyq şaralaryn küşeitu qajet. Būl baǧyttaǧy jūmystar oblysta josparly, jüielı türde ıske asyrylp kele jatyr. Dın mäselesıne den qoiǧan qoǧamdyq bırlestıkterdıŋ sany da, sapasy da artqan.Bügıngı künı bükıl älem boiynşa aqparattar almasu mümkındıgı äleumettık jelıler jüiesınde öte keŋ taraluda. Adamdar ony qoldanu arqyly öte alys qaşyqtyqty baǧyndyryp, basqa elder men qūrlyqtarmen erkın bailanys qūryp otyr.
Alaida, ǧalamtordyŋ osyndai jetıstıgı men qoljetımdılıgın dästürlı emes dıni aǧymdar da öz paidalaryna qoldanuda. Ekstremistık jäne terroristık ūiymdardyŋ halyqqa aqparat arqyly äser etudı keŋınen qoldanuy olardyŋ qyzmetınıŋ ajyramas bölıgıne ainaldy. Eŋ aldymen ekstremistık jäne terroristık ūiymdar ǧalamtordy jelı qoldanuşylardyŋ älı qalyptasyp ülgermegen sanasyna yqpal etu üşın qoldanady. Iаǧni, olardyŋ negızgı nysanasy äleumettık jaǧdaiy men düniege degen közqarasy tolyq qalyptaspaǧan toptar bolyp tabylady.
Dıni sauaty taiaz adamdardyŋ dıni aqparatty ǧalamtordan ızdeitındıgı belgılı. Al, mūndai adamnyŋ aqparat taratu mäselesınde öte belsendı jūmys jürgızetın radikaldy ūiymdardyŋ qarmaǧyna ılınuı äbden mümkın.
Terıs piǧyldy aǧymdardyŋ keibır saittary halyqty ekstremistık nemese terroristık äreketterge şaqyrudy nasihattamauy mümkın. Olar islamǧa arnalǧan aqparttyq portal retınde jūmys jürgızedı. Alaida, olar şyn mänınde halyqtyŋ dästürlı dıni ūstanymdaryn ydyratyp, mūsylmandar arasyna jık salyp, dındı ıştei bölşekteudı közdeuı mümkın.
Işkı tūraqtylyq pen auyzbırşılıktı saqtau arqyly ǧana elımız bolaşaqta közdep otyrǧan asqaq maqsattarǧa qol jetkıze alady.Qazaqstannyŋ ärbır azamaty özınıŋ dıni sauatyn arttyruǧa män berıp, ruhani jäne ūlttyq qūndylyqtardy därıpteuge öz şamasynyŋ jetkenınşe atsalysatyn bolsa eldıŋ ışkı tūraqtylyǧy men bütındıgıne eşqandai jat piǧyldy aǧymdardyŋ syzat tüsıre almasy anyq.
Nūrahyman Eliza,
äl-Farabi atyndaǧy QazŪU,
«İslamtanu» mamandyǧynyŋ 4-kurs studentı;
Jetekşısı: äl-Farabi atyndaǧy Qazaq ūlttyq universitetınıŋ «Dıntanu jäne mädeniettanu» kafedrasynyŋ aǧa-oqytuşysy Abdullaev Nūrjan Kydyralievich
