Şyǧys Qazaqstanda temırjolda sement tielgen bes vagon relsten şyǧyp kettı, dep habarlaidy “Adyrna” ūlttyq portaly.
"Qazaqstan temır joly" ūlttyq kompaniiasy baspasöz qyzmetınıŋ habarlauynşa, oqiǧa 8 säuır künı saǧat 10.35-te Altai – Kümıstau temırjol uchaskesınde bolǧan.
Bır vagon "KuzbassTransSement" JŞQ (Resei Federasiiasy) menşıgı bolsa, qalǧany "Kaspii Sement" JŞS-ge (Qazaqstan Respublikasy) tiesılı. Poiyz 28 km/saǧ baiau jyldamdyqpen jürgen.
Oqiǧadan eşkım zardap şekpedı. Jolauşylar jäne jük poiyzdarynyŋ qozǧalysy toqtamamdy.
Qazırgı uaqytta qalpyna keltıru jūmystary jürgızılıp jatyr. Vagondardyŋ relsten şyǧu sebepterı anyqtalady.
Eske sala keteiık, osyǧan ūqsas oqiǧa bır aptadan az uaqyt būryn däl osy öŋırde bolǧan edı: 3 säuırde Serebriansk qalasynyŋ aumaǧynda Ertıs arqyly ötetın temırjol köpırıne kıreberıste bırden 18 vagon audarylyp, onyŋ altauy suǧa qūlady. Vagondar mys-myryş rudasyn jäne şlaktardy tasymaldaǧan.
Sondai-aq bır ai būryn, 28 aqpanda Kurchatov qalasyndaǧy Degeleŋ stansasynda jük poiyzynyŋ vagondary audarylyp kettı.
“Adyrna” ūlttyq portaly
