Aqtóbede avtobýstan aıaǵy aýyr kelinshek qulap ketip, júrgizýshi ári qaraı qaramastan júrip ketti, dep habarlaıdy "Adyrna" saıty.
«1 sáýir kúni keshke «Makarenko» aıaldamasynda júkti áıel №24 avtobýstyń túsip bara jatqanda, avtobýs kenetten qozǵala bastaǵan. Aqtqbelik sómkesimen birge shalshyq sýǵa bir-aq qulap, belin jaraqattady. Júrgizýshi men kondýktor jolaýshyny kóterýge asyqpaı, bul oqıǵaǵa mán bermedi», - delingen habarlamada.
Aıdana esimdi jábirlenýshiniń aıtýynsha, «№ 24 avtobýstyń júrgizýshisi, memlekettik nómiri 614AL04 jol boıy qatty jyldamdyqpen júrip ótken».
«Aqyrynda ol kútpedi, men aıaldamamnan túsip, jolǵa shyqtym, men jerge, shalshyqqa quladym. Kondýktor da, júrgizýshi de meniń ornymda jáne qolymda pakettermen turǵanymdy kórgenimen, kómekke shyqpady. Onyń aldynda kúıeýime telefon soǵyp, bazardan kele jatqanymdy, meni qarsy alýy kerektigin eskerttim. Men ózim turdym, birneshe mınýttan keıin kúıeýim júgirip keldi. Basynda men oǵan eshteńe aıtpadym, ol ashýlanyp avtobýstyń sońynan kete me dep qoryqtym. Meniń arqam áli aýyrady. Sol kúni kóptegen kýágerler boldy. Júrgizýshini jumystan shyǵarǵym kelmeıdi, jep otyrǵan nanynan aıyrǵym kelmeıdi. Biraq eger siz ony jazasyz qaldyrsańyz, bul jaǵdaı qaıtalanýy múmkin», - dedi Aıdana.
«Avtopark» JShS jolaýshy óziniń jeke basyn anyqtaý jáne jaýap berý sharalaryn qoldaný úshin polıııaǵa aryz jazǵanyn túsindirdi.
«Biz júrgizýshiniń barlyq derekterin quzyrly organdarǵa tapsyrdyq. Tekserýden keıin proessýaldyq áreketter, kinási anyqtalsa, júrgizýshige shara qoldanylady. Ázirge bizde basqa faktiler joq», – deıdi «Avtopark» JShS ókili Rýslan Jylqamanov.
"Adyrna" ulttyq portaly
