Rim Papasy Fransisk prezident Qasym-Jomart Toqaevqa Qazaqstanǧa kelu josparyn rastady, dep habarlaidy “Adyrna” ūlttyq portaly Aqordanyŋ baspasöz qyzmetıne sılteme jasap.
«Qasym-Jomart Toqaev Rim Papasy Fransiskpen beinekonferensiia arqyly kelıssözder jürgızdı. Kezdesu barysynda Qazaqstan men Vatikan arasyndaǧy yntymaqtastyqty nyǧaitu perspektivalary, sondai-aq konfessiiaaralyq kelısım men dınaralyq dialogty ılgerıletu mäselelerı talqylandy», - delıngen habarlamada.Aǧymdaǧy jyldyŋ qyrküiek aiynda Qazaqstan astanasynda ötetın Älemdık jäne dästürlı dınder köşbasşylarynyŋ VII sezınıŋ kün tärtıbıne erekşe nazar audaryldy. Qasym-Jomart Toqaev būl oqiǧanyŋ Qazaqstan üşın maŋyzy zor ekenın atap öttı. Memleket basşysy sūhbattasuşyny konfessiiaaralyq kelısım men bırlıktıŋ qazaqstandyq ülgısı turaly habardar ettı, sondai-aq auqymdy saiasi jäne ekonomikalyq reformalardyŋ jüzege asyrylu barysy turaly aitty. Rim Papasy Memleket basşysyna kezdesu mümkındıgı üşın rizaşylyǧyn bıldırdı jäne onyŋ Qazaqstanǧa resmi saparyn, sondai-aq Älemdık jäne dästürlı dınder köşbasşylarynyŋ VII sezıne qatysuyn rastady. Ol aldaǧy sapar men forumǧa qatysudan ülken ümıt kütetının atap öttı.
«Men dınaralyq dialogty, memleketterdıŋ bırlıgın jäne jaqyndasuyn ılgerıletu tūrǧysynan osy maŋyzdy oqiǧany asyǧa kütemın, būl bügıngı künı öte maŋyzdy», - dedı Fransisk.Ol qazırgı kürdelı geosaiasi jaǧdaida älemdegı bırlık pen kelısımge qol jetkızudıŋ airyqşa maŋyzdylyǧyn atap öttı.
«Bız sızderdıŋ elderıŋızdıŋ qanşalyqty jan-jaqty jäne bırtūtas ekenın körıp otyrmyz. Būl tūraqtylyqtyŋ negızı. Qazaqstannyŋ mūny tüsıngenıne quanyştymyz. Sız menıŋ qoldauyma tolyǧymen sene alasyz, men sızdıŋ küş-jıgerıŋızdı baǧalaimyn», - dedı Rim Papasy.
Ūqsas jaŋalyqtar
