Almatyda 8-9 sáýir kúnderi Qazaqstan Respýblıkasy Táýelsizdiginiń 30 jyldyǵy men adamnyń ǵaryshty baǵyndyrǵanyna 60 jyl tolýyna oraı uıymdastyrylǵan "Kazakhstan Smart Space" halyqaralyq baıqaýynyń fınalısterin marapattaý rásimi ótti, dep habarlaıdy adyrna.kz.
Baıqaýdy QR Aeroǵarysh komıtetiniń "Ǵaryshtyq zertteýler jáne tehnologııalardyń ulttyq ortalyǵy" AQ, "Eurasian Space Ventures" JShS, "Qazaqstannyń jobalardy basqarý ınstıtýty" QQ uıymdastyrdy. Oǵan Qazaqstannyń, Reseı Federaııasynyń 7-22 jas aralyǵyndaǵy kolledjder men joǵary oqý oryndarynyń stýdentteri, mektep jáne qosymsha úıirmelerdiń oqýshylary ózderiniń oqytýshylarymen jáne tálimgerlerimen birge qatysty.
Aıta ketsek, baıqaý 2021 jylǵy 16 jeltoqsanda bastalǵan. 2022 jylǵy 11-15 naýryz aralyǵynda tirkelgen komandalardyń arasynda fınaldyq týrǵa qatysýshylardy irikteý ótkizildi. Qazirgi ýaqytta fınalǵa shyqqandar trenıngterdi, sheberlik saǵattaryn, semınar-praktıkýmdardy, sarapshylar keńesi músheleriniń koýchıng sessııalarynyń barlyq kezeńderinen súrinbeı ótti.
“Aeroǵarysh salasynda jańa kadrlar daıyndaý, jas jetkinshekterdiń arasynda tehnıkalyq mamandyqtardy damytyp, olardyń bul salaǵa yntasyn arttyrý maqsatynda tuńǵysh ret “Kazakhstan Smart Space” halyqaralyq konkýrsyn uıymdastyryp otyrmyz. Qazaqstan men Reseıdiń jas ónertapqyshtary ǵaryshtyq tehnıka jáne ǵaryshtyq tehnologııalar boıynsha kóptegen jańa jobalaryn tanystyrdy. Onyń ishinde kórip otyrǵanymyzdaı robototehnıka, túrli raketalar men spýtnıkterdiń jasalý jolyn kórsetip berip otyr. Ǵarysh salasyna qyzyǵýshylyǵy mol jas býynnyń kóp ekenine taǵy da bir kózimiz jetip otyr”, – deıdi Aeroǵarysh komıtetiniń ǵylymı ázirlemeler basqarmasynyń sarapshysy Qyrmyzy Jandosova.
Onyń aıtýynsha, baıqaýdy uıymdastyrýdaǵy basty maqsat elimizdegi kadrlar tapshylyǵyn azaıtý.
“Sol sebepti biz maman tapshylyǵyn sheshý úshin osy bastamany oqýshylar men stýdentterden bastaýdy jón kórdik. Sondyqtan bul jyl saıyn ótkiziletin baıqaý bolady dep oılaımyn. "Kazakhstan Smart Space" jeńimpazdary keıin 12 sáýir merekesine oraı ıfrlyq damý, ınnovaııalar jáne aeroǵarysh ónerkásibi mınıstrimen kezdesetin bolady. Sonymen qatar júldegerlerge dıplomdar, aqshalaı syılyqtar, estelik syılyqtar, kádesyılar, baıqaý áriptesteri qataryndaǵy JOO-ǵa túsý úshin qosymsha upaılar berilip, barlyq qatysýshylar sertıfıkattarmen marapattalyp otyr”, – deıdi aeroǵarysh komıtetiniń ǵylymı ázirlemeler basqarmasynyń sarapshysy Qyrmyzy Jandosova.
Baıqaý uıymdastyrýshysy bul joba balalardyń ǵarysh salasyna degen qyzyǵýshylyǵy men yntasyn arttyra túspek.
“Jeńimpazdarǵa aqshalaı syılyqtan bólek Baıqońyr qalasyna ekskýrııa uıymdastyrmaqpyz. Bizde ǵarysh salasynda usynǵan jobalar birden júzege asyp kete almaıdy. Araǵa jyldar salyp, birtindep júzege asady. Dese de balalardyń bul jerde qoldarynan keletinin dáleldeýge úlken múmkindigi bar. Sondaı-aq jobadaǵy júldegerler ǵarysh salasy boıynsha basqa halyqaralyq baıqaýlarǵa qatysa alady. Bul balalardyń eshqaısysy aqshalaı syıaqylarǵa qyzyǵýshylyq tanytpaıtyny kórinip tur. Olardyń bundaı konkýrstarǵa qatysyp, durys baǵytta júrmin dep oılaǵan saıyn olardyń yntasy ashyla túsedi. Mysalǵa keıbir óńirlerdegi jastardyń ǵaryshqa jaqyndaýǵa múmkindigi joq. Al baıqaý osyndaı jas talanttardyń ǵarysh salasyna qadam jasaýyna múmkindik berip otyr”, – deıdi sarapshy.
Konkýrsty uıymdastyrýshylardyń biri, Eurasian Space Ventures (ESV) jeke ǵarysh kompanııasynyń bas dırektory, Eýrazııalyq bank dırektorlar keńesiniń múshesi Shýhrat Ibragımov Kazakhstan Smart Space baıqaýy osy jyly óziniń basty mıssııasyn oryndap, ǵaryshtyq jobalarmen aınalysqysy keletin talantty jastardyń basyn qosqanyn atap ótti.
"Ǵaryshty ıgerýmen tyǵyz baılanysty bizdiń elimiz úshin SpaceTech ındýstrııasyn damytýǵa múddeli oqýshylar men stýdentterdi qoldaý mańyzdy mindetterdiń biri. Olar – Qazaqstannyń osy saladaǵy bolashaq kadrlyq áleýeti. Sol sebepti jaqyn arada qatysýshylardyń biri bizge ǵaryshtyq tehnologııalardy ázirlep, kommerııalandyrýǵa kómektesýi de ǵajap emes. Kún saıyn kóptegen múmkindikter paıda bolady. Bizdiń mindetimiz – olardy jiberip almaý, sonymen qatar, alǵa jyldam qadam jasaýlaryna septigimizdi tıgizý”, – deıdi Shýhrat Ibragımov.
Buǵan qosa ol baıqaý jas daryndarǵa jol ashýmen qatar, bızneske áleýetti kadrlardy tabýǵa múmkindik syılaıtynyn jetkizdi.
"Búgin birinshi kezekte óz bolashaǵyn ǵaryshtyq zertteýlermen, jobalarmen baılanystyrǵysy keletin jastardyń kóp bolǵanyna qýanyp otyrmyz. Bul konkýrs olardyń eń batyl ıdeıalaryn iske asyrý úshin jańa perspektıvalar ashady. Biz qazirdiń ózinde halyqaralyq startaptar men kompanııalardy aeroǵaryshtyq tehnologııalardy damytý úshin ESV ǵaryshtyq hab-ınkýbatoryna tartýdamyz. Búginde ıfrlandyrý qarqyny artyp keledi jáne eshqashan toqtamaıdy. Ǵarysh ındýstrııasy da damyp keledi. Konkýrs salanyń damýyn jalǵastyrýǵa jáne qazaqstandyq mamandardyń áleýetin búkil álemge kórsetýge múmkindik beredi", - deıdi Ibragımov.
Ol búginde talantty kadrlardyń jetispeýshiligi olardyń tapshylyǵynda emes, kreatıvti jastardyń óz qabiletterin kórsetetin platformanyń joqtyǵynda ekenin atap ótti. Baıqaý osyndaı jastardyń basyn qosyp, jańa jobalardy júzege asyrýǵa kómegin tıgizbek.
“Ulttyq ǵaryshtyq zertteýler men tehnologııalar ortalyǵy" AQ basqarma tóraǵasy Marat Nurǵojınniń aıtýynsha, negizgi strategııa maqsat – qazaqstandyq ǵarysh salasyndaǵy básekege qabilettilikti arttyrý.
"Ǵaryshtyq tehnologııalar adamzattyń kúndelikti ómiriniń bir bóligine aınaldy. Bul – uıaly baılanys, Jerdi qashyqtyqtan kórý jáne spýtnıktik navıgaııanyń ártúrli aspektileri. Osy tehnologııalardy damytýda ártúrli saladaǵy mamandar qajet. Sol sebepti jastardyń shyǵarmashylyq izdenister men túrli ǵylymı ashylýlaryn qoldap, ony júzege asyrý úshin barlyq múmkindikterdi qamtamasyz etýge tıispiz. Dál osy maqsatta Kazakhstan Smart Space halyqaralyq konkýrsy ótkizildi", - deıdi Ulttyq ǵaryshtyq zertteýler men tehnologııalar ortalyǵy " AQ basqarma tóraǵasy Marat Nurǵojın.
Osylaısha konkýrstyń 4 nomınaııasy boıynsha jeńimpazdar men júldegerlerdiń tizimi anyqtaldy.
- 16 jastan – 22 jasqa deıin jas sanaty boıynsha L. N. Gýmılev atyndaǵy Eýrazııa ulttyq ýnıversıtetiniń "Beriktigi joǵary materıalmen basyp shyǵaratyn ındýstrııalyq-otandyq 3D prınter" jobasy jáne Ál-Farabı atyndaǵy Qazaq ulttyq ýnıversıteti. "CanSat formatyndaǵy shaǵyn ǵarysh apparattaryn ázirleý" jobasy
- 12 jastan 16 jasqa deıingi jas sanaty boıynsha Almaty qalasynyń Nazarbaev zııatkerlik mektebiniń "DELTA II" jobasy
- 9 jastan 12 jasqa deıingi jas sanaty boıynsha Almaty qalasynyń № 48 mektep-lıeıi "MAXTRON" jobasy jeńimpazdar qatarynan kórindi.
Sondaı-aq Quantum STEM School-dyń "FCV-TRY" shaǵyn zymyran tasyǵyshynyń ushý prototıpi " jobasy, "G. Daýkeev atyndaǵy Almaty energetıka jáne baılanys ýnıversıteti "SACS-3DOF – spýtnıkti baǵdarlaýdy basqarý júıesi" jobasy, "Hakspeıs" robototehnıka mektebi. "Zeus" roboty, Turan ýnıversıteti “LFR” roboty jobalary da júldelerge ıe boldy.
"Adyrna" ulttyq portaly
