Bıylǵy jyl elimiz úshin aýyr qasiretpen bastaldy. «Qańtar oqıǵasy búkil qoǵamdy dúr silkindirip, halqymyz buryn-sońdy bolmaǵan qaýip-qatermen betpe-bet keldi. Memleketimizdiń tutastyǵy men egemendigimizge zor qaýip tóndi" degen edi el prezıdenti Qasym-Jomart Toqaev. Artynsha memleket basshysy oblys, qala ákimderin «janama saılaý» arqyly aýys-túıis jasady. Bizge belgili bolǵan jańa ákimderdiń ótkeni qandaı, nemen este qaldy?
Jeńis Qasymbek – Qaraǵandy oblysynyń ákimi
Jambyl oblysy, Shý qalasynyń týmasy. 1997 jyly Qazaq memlekettik sáýlet-qurylys akademııasyn «Sáýletshi-dızaıner» mamandyǵyn támamdap, 2001 jyly L.Gýmılev atyndaǵy Eýrazııa memlekettik ýnıversıtetin «Memlekettik jáne jergilikti basqarý salasynda mamandanǵan ekonomıst» mamandyǵymen aıaqtaǵan.
2019 jyldyń aqpan aıynan QR Premer-mınıstrinyń orynbasary qyzmetin atqardy. Ákimdik qyzmetke kelmesten buryn Jeńis Mahmuduly «Qurmet» ordenimen, «Qazaqstan Respýblıkasynyń táýelsizdigine 10 jyl», «Astananyń 10 jyldyǵy», II dárejeli «Eýrazııalyq ekonomıkalyq odaqty qurýǵa qosqan úlesi úshin» (05.08.2015) jáne Táýelsiz Memleketter Dostastyǵy Qurmet gramotasymen nagradtalǵan. (17.07.2017 j.)
Derekterge súıensek oblys ákimi buryndary jeke tulǵalardan salyq jáne bıýdjetke tólenetin basqa da mindetti tólemder boıynsha bereshekti jáne ósimpuldy, sondaı-aq kedendik tólemder, salyqtar men ósimpuldar boıynsha bereshekti óndirip alý týraly azamattyq iske qatysy bolǵan. Azamattyq is Nur-Sultan qalasynyń Esil aýdandyq sotynda qaraldy.
Danıal Ahmetov – ShQO ákimi
Pavlodar qalasynda dúnıege kelgen. 1976 jyly Pavlodar ındýstrıaldy ınstıtýtyn «Qurylysshy ınjener» mamandyǵymen aıaqtaǵan. Velosporttan sport sheberi. Qazirgi tańda ekonomıka ǵylymdarynyń doktory, Qazaqstan Respýblıkasy Mıneraldyq resýrstar akademııasynyń akademıgi syndy ataqtary bar. Shyǵys Qazaqstan oblysyna ákimdikke kelmes buryn Qazaqstan jeńil atletıka federaııasynyń prezıdenti qyzmetin atqardy.
2-dárejeli «Barys» (2004), 3-dárejeli «Barys» (1999), «Qurmet ordeni» (1986); «Qazaqstan Respýblıkasynyń Tuńǵysh Prezıdenti – Elbasy Nursultan Nazarbaev» ordenderimen marapattalǵan (2012). «Astanaǵa 10 jyl» mereıtoılyq medali (01.07.2008), «Eýrazııalyq ekonomıkalyq odaqtyń damýyna qosqan úlesi úshin» (29.05.2019); Baýyrjan Momyshulynyń 90 jyldyǵyna arnalǵan merekelik qurmet belgisimen (20.02.2008 j.) marapattalǵan.
Erbolat Dosaev – Almaty qalasynyń ákimi
Almaty qalasynda dúnıege kelgen. 1993 jyly Almaty energetıka ınstıtýtyn, Baýman atyndaǵy Máskeý memlekettik tehnıkalyq ýnıversıtetin bitirgen. Qazaqstan Respýblıkasy Energetıka, ındýstrııa jáne saýda vıe-mınıstri, Qazaqstan Respýblıkasy Premer-Mınıstriniń orynbasary jáne ózge de bedeldi qyzmetter atqarǵan. Ákimdikke deıin Erbolat Asqarbekuly Qazaqstan Respýblıkasy Ulttyq Bankiniń Tóraǵasy bolǵan.
Dosaev talaı qyzmet aýystyryp, el arasynda «ár istiń basyn shalǵan» degen atqa qalǵan. 2012 jyly kúzde Dosaev úkimetke – Ekonomıka mınıstri qyzmetine qaıta oraldy. Mınıstrlik birneshe ret ataýyn ózgertedi, mınıstr qaıta taǵaıyndalady. Dosaev 2016 jyldyń mamyr aıyna deıin turaqty túrde halyq sharýashylyǵyn basqardy. Odan keıin kvazımemlekettik sektorǵa – «Báıterek» ulttyq basqarýshy holdıngi» AQ basqarma tóraǵasy qyzmetine aýysady. Al 2017 jyldyń tamyzynda úkimetke vıe-premer dárejesinde keledi. 2019 jyldyń aqpan aıyna deıin úkimette qyzmet istep, sodan keıin Ulttyq bank tóraǵasy bolady.
Berdibek Saparbaev – Jambyl oblysynyń eks-ákimi
Qyzylorda oblysyn, Jańaqorǵan aýdanynda dúnıege kelgen. 1977 jyly Almaty halyq sharýashylyǵy ınstıtýtyn támamdaǵan.
Parasat (12.2007), «Qurmet» (1999), «Astanaǵa 10 jyl» mereıtoılyq medali (01.07.2008 j.), Ońtústik Qazaqstan oblysynyń Qurmetti azamaty, Qyzylorda oblysynyń qurmetti azamaty: «Úzdik áleýmettik áriptes» tósbelgisimen (08.2019 j.) marapattalǵan. Jambyl oblysyn basqarmas buryn Qazaqstan Respýblıkasy Premer-Mınıstriniń orynbasary, Aqtóbe oblysynyń ákimi, Qazaqstan Respýblıkasy Eńbek jáne halyqty áleýmettik qorǵaý mınıstri syndy qyzmetterdi atqardy.
Nurjan Nurjigitov – Jambyl oblysynyń ákimi
1991 jyly Lenıngrad aýyl sharýashylyǵy ınstıtýty «Injener-mehanık» mamandyǵymen aıaqtady. 2008 jyly Jambyl gýmanıtarlyq tehnıkalyq ýnıversıteti oqyp bitirdi. Tehnıkalyq ǵylymdardyń kandıdaty ataǵy berilgen. Oblys ákimi bolǵanǵa deıin sol Jambyl oblysynyń aýdandaryn, túrli mekemelerdi basqarǵan. Jambyl oblysy ákimdiginiń aýyl sharýashylyǵy basqarmasynyń basshysy, Jambyl oblysy ákimdiginiń tabıǵı resýrstar jáne tabıǵatty paıdalanýdy retteý basqarmasynyń basshysy jáne Baısaq aýdanynyń ákimi boldy. Sonan soń orynbasarlyq qyzmetten oblys ákimine aýysty.
"Adyrna" ulttyq portaly
