Polıııa general-maıory Nurlan Másimov para aldy degen kúdikke ilindi. Bul týraly sybaılas jemqorlyqqa qarsy qyzmet habarlady, - dep habarlaıdy “Adyrna” ulttyq portaly.
"Pavlodar oblysy boıynsha Sybaılas jemqorlyqqa qarsy qyzmet Pavlodar oblysy Polıııa departamentiniń eks-bastyǵy polıııa general-maıory Másimovke qatysty asa iri mólsherde para aldy degen kúdikpen sotaldy tergeýdi bastady (Qylmystyq kodekstiń 366-baby 4-bóligi boıynsha). Osy fakt boıynsha onyń is-áreketi syrttaı saralanyp, tergeý soty "kúzetpen ustaý" túrindegi bultartpaý sharasymen sankııalady", - delingen habarlamada.
Vedomstvo málimetinshe, qazirgi ýaqytta Másimovke izdeý jarııalanǵan.
"Is boıynsha onyń ornalasqan jerin anyqtaý boıynsha qajetti jedel-izdestirý is-sharalary jáne istiń barlyq mán-jaıyn anyqtaýǵa baǵyttalǵan basqa da tergeý is-áreketteri júrgizilip jatyr. Tergeý nátıjeleri boıynsha tıisti is júrgizý sheshimi qabyldanady", - delingen habarlamada.
Ózge aqparat Qylmystyq is júrgizý kodeksiniń 201-babyna sáıkes jarııa etýge jatpaıdy.
2022 jyldyń qańtarynda Nurlan Másimov Pavlodar oblysy Polıııa departamentiniń bastyǵy qyzmetinen bosatylǵan. 48 jastaǵy Nurlan Másimov departamentti 2019 jyldyń qarashasynan beri basqarǵan.
”Adyrna” ulttyq portaly
