Búgin «Samuryq-Qazyna» AQ Basqarma tóraǵasy Almasadam Sátqalıev pen Qazaqstan Respýblıkasy Qarjylyq monıtorıng agenttiginiń tóraǵasy Janat Elımanov Qor men Agenttik arasyndaǵy yntymaqtastyq týraly memorandýmǵa qol qoıdy.
Taraptar Qor men onyń portfeldik kompanııalary qyzmetiniń ashyqtyǵyn arttyrý, sondaı-aq Qor kompanııalary jumys isteıtin salalardaǵy ekonomıkalyq jáne qarjylyq quqyq buzýshylyqtardyń aldyn alý maqsatynda aqparat almasýǵa nıetti.
Bul munaı-gaz, energetıka, taý-ken ónerkásibi, kólik jáne telekommýnıkaııa salalaryn qamtıdy. Memorandým sondaı-aq Agenttik pen Qor tobynyń uıymdary arasyndaǵy satyp alý salasyndaǵy yntymaqtastyqty qarastyrady.
Memorandým sheńberinde Agenttik tarapy Qorǵa kvazımemlekettik sektordaǵy quqyq buzýshylyqtar týraly jáne qylmystyq jolmen alynǵan kiristerdi zańdastyrý faktileri jóninde aqparat berýge; anyqtalǵan zııan keltirý táýekelderi týraly aqparatty Qorǵa ýaqtyly jiberýge; Qorǵa ekonomıkalyq jáne qarjylyq quqyq buzýshylyqqa qarsy is-qımyl boıynsha ádistemelik jáne konsýltaııalyq kómek kórsetýge; komplaens, ishki aýdıt jáne táýekelderdi basqarý fýnkııalaryn kúsheıtý úshin birlesip jumys isteýge nıetti.
Qor óz kezeginde qylmyspen kúres jónindegi bastamalar men is-sharalarǵa belsendi túrde qatysady; Qor tobynda anyqtalǵan ekonomıkalyq jáne qarjylyq quqyq buzýshylyqtar týraly Agenttikke habarlaıdy; Agenttikten tıisti aqparat alǵan jaǵdaıda Qor tobyna kiretin uıymdarda tekserýler júrgizedi; Qazaqstan Respýblıkasynyń ekonomıkalyq jáne qarjylyq quqyq buzýshylyqtarǵa qarsy is-qımyl týraly zańnamasyn jetildirý boıynsha usynystar engizedi.
Memorandým uzaq merzimge jasaldy jáne qol qoıylǵan kúnnen bastap kúshine enedi.
