Jaŋaözen qalasynda nöser jauynnan 1 mektep pen 2 tūrǧyn üidı su basty. Sonymen qatar, 8 üidıŋ aulasyna jäne köşelerge su jinalǧan. Eşkım zardap şekken joq. Bügın nöser jaŋbyr toqtap, kommunaldyq qyzmetter arnaiy tehnikalarmen jinalǧan jauyn suyn soruǧa kırısken. Aita keteiık, öŋırde keşeden berı nöser jauyn jauyp, tūrǧyndardy äbıgerge saldy. Qaraqiia audanynyŋ aumaǧynda taudan sel jürıp, tas joldarda jüru qiyndady, dep habarlaidy "Adyrna" ūlttyq portaly.
Qazırgı uaqytta Jaŋaözen qalasynyŋ tötenşe jaǧdailar bölımı äkımdıkpen bırlesıp №3 ört söndıru bölımınıŋ kommunaldyq qyzmetterdıŋ arnaiy tehnikalaryn jäne su soru qūrylǧylaryn şyǧardy. Jaŋbyr suyn soru jūmystary jürgızılıp jatyr. Tötenşe jaǧdailar departamentınıŋ 16 qyzmetkerı, 1 tehnikasy men 3 motopompasy, sondai-aq kommunaldyq qyzmetterdıŋ 17 jūmyskerı men 12 tehnikasy jūmyldyrylǧan.
5 mamyrda jaŋbyrdan keiın Qaraqiia audanynda sel jürgen. Kölık jürgızuşılerı bölısken videodan su aǧyny Aqtau men Jaŋaözen arasyn jalǧaityn tasjolǧa qalai jetkenın köruge bolady. Sondai-aq jürgızuşıler jauyn-şaşynǧa bailanysty jol körınbegenın aitty.
6 mamyr künı taŋerteŋ jergılıktı tūrǧyndar Jaŋaözendegı №22 mektepte, sondai-aq Qaraqiia audany Bostan auylyndaǧy orta mektepte sabaq toqtatylǧany turaly habarlaǧan.
"Qazgidromet" sinoptikterınıŋ boljamy boiynşa, Maŋǧystauda 6-7 mamyrda jaŋbyr jauyp, jel küşeiedı. 6 mamyrda Maŋǧystau oblysynyŋ basym bölıgınde jauyn bolady, soltüstıkte, batysta, oblystyŋ ortalyǧynda qatty jaŋbyr, naizaǧai, būrşaq jauady. Kündız oblystyŋ oŋtüstıgınde şaŋdy dauyl. Soltüstıkten, soltüstık-şyǧystan soqqan jel oblystyŋ basym bölıgınde 15-20, soltüstık-batysta, soltüstık-şyǧysta ekpını 23-28 m/s jetedı.
Aqtauda 6 mamyrda tünde qatty jaŋbyr, naizaǧai, būrşaq bolady. Soltüstık, soltüstık-şyǧystan kündız jel soǧady, ekpını 15-20 m/s jetedı. Maŋǧystau oblysynyŋ TJD aimaq tūrǧyndaryna jeke qauıpsızdık şaralaryn saqtaudy ūsyndy. Sondai-aq, tūrǧyndarǧa balalardy erekşe baqylauǧa aluǧa, qarausyz qaldyrmauǧa keŋes berıldı. Maŋǧystaulyqtarǧa asa qajet bolmasa, dalaǧa şyqpau ūsynylady. Jelden üi qabyrǧalary maŋynda jasyrynuǧa bolmaidy. Öitkenı şatyrdan türlı material qūlauy mümkın.
Beinematerialdardy Telegram paraqşamyzdan köre alasyz.
"Adyrna" ūlttyq portaly
Ūqsas jaŋalyqtar
