Qazaqstan Respublikasynyŋ Memlekettık hatşysy Erlan Qarin Almatyda konsert kezınde Qazaqstannyŋ tuyn alyp şyǧyp, balaǧat söz aitqan Shiza laqap atymen tanymal Ashat Jolşiev pen “İrina Kairatovna” tobynyŋ müşesıne qatysty pıkır bıldırdı.
“Almaty qalasyndaǧy konsert kezınde bolǧan oqiǧa qazır qoǧamda qyzu talqylanyp jatyr. Bızdıŋ bıluımızşe, konserttı «NS group» JŞS ūiymdastyrǧan. Shiza laqap atyn ielengen azamattyŋ Memlekettık tuǧa qatysty äreketı jıtı tekserılıp, oqiǧanyŋ män-jaiy anyqtaluy qajet. Konsertte ışımdık ışılgendıkten mūndai äreketke jol berılgen dep oilaimyn. Jastar osy bır keleŋsız oqiǧadan sabaq alyp, qarapaiym mädeniet pen etikettı meŋgeruı qajet. Sonymen qatar, mūndai auqymdy ıs-şaralardy ūiymdastyruşylar da jauapkerşılıktı sezınuı kerek. Olar konsert ūiymdastyrǧan kezde ışımdık ışıluıne jol bermeuge, basqa da oqys oqiǧalardyŋ aldyn-aluǧa tiıs. Bız memlekettılıgımızdıŋ, Täuelsızdıgımızdıŋ simvoly sanalatyn Memlekettık tuǧa zor qūrmetpen qarauymyz qajet. Ony aiaqasty etuge jol bermeuımız kerek. Tuymyzdy nemese basqa da rämızderımızdı qorlaǧan äreketter qūqyqtyq-normativtık aktılerge säikes jauapkerşılıkke tartylady. Öitkenı, zaŋ barşaǧa ortaq. Elımızdıŋ ärbır azamaty Memlekettık tudy qūrmettep, qaster tūtuy qajet dep sanaimyn”, - dep jazdy Erlan Qarin özınıŋ Facebook paraqşasyna.
“Adyrna” ūlttyq portaly
