Qazaqstan Respýblıkasynyń Memlekettik hatshysy Erlan Qarın Almatyda konert kezinde Qazaqstannyń týyn alyp shyǵyp, balaǵat sóz aıtqan Shiza laqap atymen tanymal Ashat Jolshıev pen “Irına Kaıratovna” tobynyń múshesine qatysty pikir bildirdi.
“Almaty qalasyndaǵy konert kezinde bolǵan oqıǵa qazir qoǵamda qyzý talqylanyp jatyr. Bizdiń bilýimizshe, konertti «NS group» JShS uıymdastyrǵan. Shiza laqap atyn ıelengen azamattyń Memlekettik týǵa qatysty áreketi jiti tekserilip, oqıǵanyń mán-jaıy anyqtalýy qajet. Konertte ishimdik ishilgendikten mundaı áreketke jol berilgen dep oılaımyn. Jastar osy bir keleńsiz oqıǵadan sabaq alyp, qarapaıym mádenıet pen etıketti meńgerýi qajet. Sonymen qatar, mundaı aýqymdy is-sharalardy uıymdastyrýshylar da jaýapkershilikti sezinýi kerek. Olar konert uıymdastyrǵan kezde ishimdik ishilýine jol bermeýge, basqa da oqys oqıǵalardyń aldyn-alýǵa tıis. Biz memlekettiligimizdiń, Táýelsizdigimizdiń sımvoly sanalatyn Memlekettik týǵa zor qurmetpen qaraýymyz qajet. Ony aıaqasty etýge jol bermeýimiz kerek. Týymyzdy nemese basqa da rámizderimizdi qorlaǵan áreketter quqyqtyq-normatıvtik aktilerge sáıkes jaýapkershilikke tartylady. Óıtkeni, zań barshaǵa ortaq. Elimizdiń árbir azamaty Memlekettik týdy qurmettep, qaster tutýy qajet dep sanaımyn”, - dep jazdy Erlan Qarın óziniń Facebook paraqshasyna.
“Adyrna” ulttyq portaly
