Ashat Aımaǵambetov Tik Tok kompanııasynyń ókilderimen kezdesip, Tik Tok-ta bilim men ǵylymdy qazaq tilinde nasıhattaýdy talqylady. Bul týraly BǴM baspasóz qyzmeti málimdedi, dep habarlaıdy “Adyrna” ulttyq portaly.
Álemdegi eń iri ınternet-platformanyń ókilderi Bilim jáne ǵylym mınıstrligimen yntymaqtastyqtyń tıimdiligin atap ótti. Buǵan deıin mınıstrlik Tik Tok-ta paraqsha ashyp, taraptar #TıkToktaúırenQazaqstan birlesken bilim berý jobasyn bastaǵan bolatyn. Munda paıdalanýshylar ártúrli aqparatpen bólisedi.
Tik Tok ókilderiniń aıtýynsha, bilim berý bastamasy bar qazaqstandyq segment 10 mln ret qaralǵan, sebebi vıdeolar eń tanymal bólimderde kórsetilgen. Shyǵys Eýropa men Reseıden kelgen qonaqtar bolashaqta #Tıktoktaǵymuǵalimder jáne t.b jobalardy iske qosýdy usyndy.
"Biz basqa elderdiń mınıstrlikterimen birlese jumys isteımiz. Bilim jáne ǵylym mınıstrliginiń ashyqtyǵy, mınıstrliktiń jumysyn kórsetýge, aýdıtorııany bilim berý jobalaryna tartýǵa daıyndyǵy qýantady. Onyń birinshisi – #TıkToktaúırenQazaqstan. Qazirdiń ózinde qyzyǵýshylyq tanytyp, kóp qaralym jınap úlgerdi. Mınıstrliktiń TikTok paraqshasyndaǵy oqyrmandar sany úsh esege artty. Sondaı-aq qazaqstandyq ýnıversıtetpen tikeleı baılanys ornatyp, basqa elderden kelgen stýdentter otandyq ýnıversıtettiń usynystarymen tanysty. Mınıstrlikpen birlesken jumysymyzdy jalǵastyramyz dep úmittenemin", – dedi Shyǵys Eýropadaǵy úkimettik baılanys jáne korporatıvtik ister jónindegi dırektor Sergeı Sokolov.
Óz kezeginde Bilim jáne ǵylym mınıstri jańa ınternet-saıttarda bilim men ǵylymdy nasıhattaýdyń mańyzdylyǵyna toqtaldy. Ol Qazaqstanda qazirdiń ózinde túrli ınternet-platformalardy qoldanatyn, túrli sabaqtardy zamanaýı jáne qyzyqty formatta túsindiretin belsendi muǵalimderdiń bar ekenin atap ótti. Bul ádis, ásirese, pandemııa kezinde mańyzdy boldy.
"Biz úshin memlekettik tilde bilim berý jáne ǵylymı mazmundy qurýǵa basymdyq beriledi. Bizdiń yntymaqtastyǵymyz qazaq tilin jáne Tik Tok platformasynda memlekettik tildegi ǵylymı-tanymdyq aqparatty damytý tanymal bolady dep senemin. Bul siz osy platformada oqýǵa bolady degendi bildirmeıdi, biraq bilim berý maqsatynda resýrstardy qosymsha aqparat kózi retinde iske asyrý paıdaly bolar edi. Jaqynda men túlektermen sóılestim, olar oqýlyqtar men basqa da bilim berý resýrstaryn paıdalana otyryp daıyndalyp jatqanyn, sonymen qatar UBT-ǵa daıyndala bastaǵanyn, sonyń ishinde Tik Tok-tan aqparat alatynyn aıtty.
Men ózim áleýmettik jelilerdiń óte belsendi qoldanýshysy retinde aqparatty jetkizý úshin ártúrli quraldardy paıdalaný qanshalyqty mańyzdy ekenin túsinemin. Mysaly, men Instagram, Facebook, Twitter-degi paraqshalarymdy júrgizemin, sonymen qatar jaqynda Telegram-da paraqsha ashtym. Bul aqparatty jyldam jetkizýge yńǵaıly", – dedi Bilim jáne ǵylym mınıstri Ashat Aımaǵambetov.
Qorytyndylaı kele, Tik Tok komandasynyń ókilderi aqparatty kreatıvti jáne erekshe usynatyn ınternet-platformanyń algorıtmderi men erekshelikteri týraly aıtty.
”Adyrna” ulttyq portaly
