Sátsiz senarıı: "1 dápter quny - 95 myń teńge"

4147
Adyrna.kz Telegram

Aqmola oblysyndaǵy memlekettik satyp alýlarǵa júrgizilgen monıtorıng nátıjesinde sybaılas jemqorlyqqa qarsy kúres mamandary 95 myń teńgege bir dápter satyp almaq bolǵan bilim berý mekemesi týraly faktilerdi anyqtaǵan, dep habarlaıdy "Adyrna" ulttyq portaly.

Aqmola oblysy boıynsha sybaılas jemqorlyqqa qarsy qyzmet aımaqta baǵany tómendetý arqyly berilgen usynystardan keıin 1 mıllıardtan astam bıýdjettik qarjyny únemdeýge múmkindik týǵandyǵyn jetkizdi. Máselen, aýdandardyń birindegi bilim berý mekemesi 14 mln 250 myń teńgege qalyń dápter satyp alýdy josparlaǵan. Iaǵnı, bir dápterdiń quny 95 myń teńge bolyp otyr.  Al dápterdiń naryqtaǵy baǵasy 60 teńge.

— Departamenttiń der kezinde aralasýynyń arqasynda satyp alý júzege aspady jáne bıýdjet qarajaty únemdeldi, – dedi óńirlik sybaılas jemqorlyqqa qarsy qyzmeti.

Bilim berý mekemesi bolsa, dápter baǵasynyń qymbattyǵyn memlekettik satyp alý portalynda aqparatty toltyrý kezinde jiberilgen qatemen baılanystyrdy.

Eske sala ketsek, osyǵan uqsas jaǵdaı Qyzylorda oblysynda da bolǵan edi. Jańaqorǵan kenti ákiminiń apparaty da baǵasy 1,5 mln teńge turatyn dápter satyp alýdy josparlaǵan edi.

"Adyrna" ulttyq portaly

Pikirler