Reseige jaldanǧan jauynger, äleumettık jelılerde qazaqstandyqtardy soǧysqa belsendı tartuşylardyŋ bırı Viacheslav Tretiakov Ukrainada Resei jaǧynda soǧysyp jürgen 3 qostanailyqtyŋ köz jūmǧanyn habarlady. Būl turaly Arlen Batenov esımdı jelı qoldanuşysy jazǧan, dep habarlaidy “Adyrna” ūlttyq portaly.
«Bügın soǧysqa erıktı qatysuşy qazaqstandyqtar arasynda alǧaş ret bırneşe adam qaitys boldy. Menıŋ Qostanaidan kelgen 3 jerlesım Harkovta jarylǧan minanyŋ astynda qalyp, köz jūmdy. Bız qaida bara jatqanymyzdy bıldık. Tübınde jeŋıske jetemız jäne dūşpandy talqandaimyz! Men bauyrlarymdy maqtan tūtamyn, olar naǧyz erlık körsettı» delıngen onyŋ äleumettık jelıdegı jazbasynda.
Onyŋ aituynşa, Tretiakov Qostanaida tuǧan. Sonda küzetşı, jük tasymaldauşy, uşudan jattyqtyruşy bolyp jūmys ıstegen. Donbasta soǧysqa qatysqan, Ukraina bazasynda äskeri qylmysker retınde tırkelgen.
Orda.kz tılşısınıŋ habarlauynşa, onyŋ dostaryna jürgızılgen taldau nätijesı Reseidıŋ imperiialyq saiasatyn körsetedı. Äleumettık jelıde olar päterlerınde RF tuyn ūstap, Donbas üşın soǧysuǧa ügıtteidı, ukraindyqtardy öltıruge şaqyrady. Söite tūra Qazaqstanda tynyş ömır sürıp, jūmys ıstep jatyr.
«Osyndai Reseidı jaqtaityn, ūlttyq qauıpsızdıkke qauıp töndıretın toptar öte köp. Olar raşizmdı aşyq nasihattaidy, qazaqstandyqtardy Ukrainadaǧy soǧysqa tartyp jatyr, sondai-aq Qazaqstandy Reseige qosudy belsendı qoldaidy» delıngen jazbada.
”Adyrna” ūlttyq portaly
