Qazaqstanda Balalar jylynda balalardy arnaıy psıhologııalyq-pedagogıkalyq qoldaýmen qamtý 40%-dan asa kórsetkishke artty.
Buǵan psıhologııalyq-medıınalyq-pedagogıkalyq konsýltaııalar (PMPK), psıhologııalyq-pedagogıkalyq túzetý kabınetteri (PPTK), ońaltý ortalyqtary men logopedııalyq ortalyqtar jelisin keńeıtý yqpal etip jatyr.
Byltyr ortalyqtarǵa 30 myń bala barsa, bıyl olardyń sany 53 myńǵa deıin artyp otyr.
Qoldanystaǵy PMPK-lardy keńeıtý jáne jańalaryn ashýdyń arqasynda arnaıy psıhologııalyq-pedagogıkalyq qoldaýmen qamtýdy arttyrý múmkin boldy. Mysaly, byltyr elimizde 10 psıhologııalyq-pedagogıkalyq túzetý kabıneti ashylǵan bolatyn. Endi respýblıkadaǵy PPTK-nyń jalpy sany 211-ge jetti.
«Memleket basshysynyń tapsyrmasy boıynsha balanyń damýyndaǵy problemalardy erte anyqtaý jáne túzetý úshin qosymsha jaǵdaılar jasalyp jatyr. Ol úshin qazir psıhologııalyq-medıınalyq-pedagogıkalyq konsýltaııalar, psıhologııalyq-pedagogıkalyq túzetý kabınetteri, ońaltý ortalyqtarynyń sany artyp keledi», - dep aıtty Arnaıy jáne ınklıýzıvti bilim berýdi damytýdyń ulttyq ǵylymı-praktıkalyq ortalyǵynyń dırektory Áıgerim Kúderınova.
QR Oqý-aǵartý mınıstrliginiń baspasóz qyzmeti
