Dmıtrıı Rogozın endi Roskosmostyń bas dırektory emes. Reseı prezıdenti Vladımır Pýtın ony qyzmetinen alyp tastady, dep habarlaıdy “Adyrna” ulttyq portaly.
Rogozın korporaııada 2018 jyldan beri jumys isteıdi. Endi onyń ornyn Reseı Federaııasy Premer-mınıstriniń burynǵy orynbasary Iýrıı Borısov alady.
Memlekettik korporaııa basshysy aýysady degen sybystyń shyqqanyna biraz boldy. Buqaralyq aqparat quraldarynyń habarlaýynsha, áskerı-ónerkásip keshenin qadaǵalaıtyn Iýrıı Borısov «iri ónerkásiptik aktıvtiń» basshysy bolady dep boljanǵan. Keshe, Memlekettik Dýmada kútiletin kezdesý qarsańynda bul qaýesetter naqtylana tústi jáne Roskosmos «iri ónerkásiptik aktıv» bolyp jarııalanbaq.
65 jastaǵy Iýrıı Borısov eki kún buryn Reseı premer-mınıstriniń orynbasary qyzmetinen bosatyldy. Ol bul qyzmette 2018 jyldyń mamyr aıynan beri qyzmet etip keledi. Oǵan qosa, Reseı Federaııasynyń Batyry ataǵy da bar.
Sonymen qatar, Pýtınniń jarlyǵymen
Denıs Mantýrov Reseı premer-mınıstriniń orynbasary – Indýstrııa jáne saýda mınıstri bolyp taǵaıyndaldy.
Aıta keteıik, Roskosmos — ǵarysh salasyn basqaratyn reseılik korporaııa. Ol Baıqońyr ǵarysh aılaǵyn paıdalanady.
“Adyrna” ulttyq portaly
