Biyl bala tuu jäne onyŋ kütımı boiynşa tölenetın järdemaqyny SMS arqyly räsımdeuşıler ekı ese artqan

"Azamattarǧa arnalǧan ükımet" memlekettık korporasiiasy äleumettık salada proaktivtı qyzmetterdı belsendı türde engızudı jalǧastyryp keledı. Būl formattyŋ arqasynda klientter HQO-ǧa barmai-aq, SMS arqyly bırneşe järdemaqyny räsımdei alady, dep habarlaidy “Adyrna” ūlttyq portaly. ​​​

Äleumettık saladaǧy eŋ sūranysqa ie memlekettık qyzmetterdıŋ bırı – bala tuu jäne onyŋ kütımı boiynşa tölenetın järdemaqylardy resımdeu. Bala ömırge kelgennen keiın onyŋ anasyna järdemaqy boiynşa ötınış beru üşın SMS-habarlama keledı. Būl habarlamaǧa oŋ jauap berıp, järdemaqy tölenetın banktıŋ şot nömırın körsetu kerek. Ary qarai bala tuu jäne bır jasqa deiıngı bala kütımı boiynşa järdemaqylar proaktivtı türde resımdeletın bolady.

Eske salaiyq, osy qyzmettı paidalanu üşın mobildı azamattar bazasynda tırkelu kerek.​​​​​​​Osylaişa, 2022 jyldyŋ bes aiynda bala tuu jäne bala kütımı boiynşa 152 298 myŋ järdemaqy belsendı türde resımdeldı, būl 2021 jyldaǧy kezeŋmen salystyrǧanda 2,2 ese köp (66 894 myŋ).

«Bügınde Almaty qalasynda bır jasqa deiıngı balakütımı boiynşa järdemaqy aluşylar – 3153-tı qūraidy. Memlekettık korporasiia arqyly körsetıletın äleumettık saladaǧy memlekettık qyzmet türınıŋ bärıne elektrondy türde onlain ötınış beruge bolady. Bolaşaq analar Halyq, Kaspii bank baǧdarlamalary arqyly da bala tuǧanda berıletın bırjolǧy järdemaqy jäne bala 1 jasqa tolǧanǧa deiın onyŋ kütımıne berıletın järdemaqyǧa qūjat tapsyra alady», - deidı «Azamattarǧa arnalǧan ükımet» memlekettık korporasiiasy» KE AQ-nyŋ Almaty qalasy boiynşa filialy direktorynyŋ orynbasary Farida Bokijanova.

Aita keteiık, bala tuu boiynşa järdemaqy mölşerı balalar sanyna bailanysty. Bırınşı, ekınşı jäne üşınşı balanyŋ tuuyna bailanysty järdemaqy – 120 840 teŋge (2022 jyly 38 AEK), odan keiıngılerıne – 200 340 teŋge (63 AEK) bolady.​​​​​​​​​Jūmys ıstemeitın äielder üşın bır jasqa deiıngı bala kütımı boiynşa järdemaqy:

• Bırınşı bala kütımı boiynşa – 18 317 teŋge (5,76 AEK);
• Ekınşı bala kütımı boiynşa –  21 656 teŋge (6,81 AEK);
• Üşınşı bala kütımı boiynşa – 24 963 teŋge (7,85 AEK);
• Törtınşı jäne odan da köp bala kütımı boiynşa – 28 302 teŋge (8,90 AEK).

Balanyŋ bır jasqa tolǧanǧa deiıngı (bosanǧannan keiın) kütımı boiynşa ai saiynǧy äleumettık tölem jūmys ısteitın äielderge ǧana taǧaiyndalady. Tölem mölşerı äleumettık audarymdar jürgızılgen tabysqa da bailanysty bolady.​​​​​​​​​​​Tölemdı esepteu üşın keiıngı 2 jyldaǧy ortaşa ailyq tabysty 0,4-ke köbeitıp, zeinetaqy jarnalarynyŋ 10 paiyzyn ūstap qalu qajet. Ortaşa ailyq tabys 24-ke bölıngen keiıngı 2 jyldaǧy barlyq ai saiynǧy kırısterdıŋ somasy retınde esepteledı.​​​​​​​​​Būl rette tabysynan aiyrylǧan jaǧdaida balanyŋ bır jasqa tolǧanǧa deiıngı kütımıne bailanysty tölenetın äleumettık tölemnıŋ eŋ joǧary mölşerı eŋ tömengı jalaqynyŋ jetı eselengen mölşerınıŋ qyryq paiyzynan, al äleumettık tölemnıŋ eŋ tömen mölşerı – bala bır jasqa tolǧanǧa deiın onyŋ kütımıne bailanysty tölenetın ai saiynǧy memlekettık järdemaqynyŋ mölşerınen kem bolmauǧa tiıs.

Järdemaqy tömendegıdei esepteledı:

1. ​​Eger aluşynyŋ 2 jyl ışındegı tabysynyŋ ortaşa ailyq mölşerı 120 000 teŋge bolsa, onda tölem 48 000 teŋge (120 000x 0,4) mölşerınde taǧaiyndalady. Osy somadan zeinetaqy jarnasynyŋ 10 paiyzy şegerıledı.​
2. Eger tabys mölşerı 7 AEK-den (2022 jylǧa 420 000 teŋge) asatyn bolsa, onda tölem eŋ joǧary 168 000 teŋge (420 000x 0,4) deŋgeide taǧaiyndalady. Osy somadan zeinetaqy jarnasynyŋ 10% şegerıledı.
3. Eger tabys 40 000 teŋgenı qūraǧan jaǧdaida, onda tölem 16 000 teŋge (40 000x0,4) mölşerınde taǧaiyndalady. Osy somadan zeinetaqy jarnasynyŋ 10% şegerıledı.

“Adyrna” ūlttyq portaly