2021 jyly 12 qazan künı Memleket basşysy «Ūlttyq ruhani jaŋǧyru» ūlttyq jobasyn bekıtu turaly jarlyqqa qol qoiǧan bolatyn. Joba - üş baǧyt, jetı mındet, jiyrma bır körsetkış pen alpys alty auqymdy ıs-şaradan tūrady. Būl joba el ruhaniiatyna oŋ serpın berdı. Öitkenı, soŋǧy ekı jyl ışınde Türkıstan oblysynda ūlttyq qūndylyqtardy därıpteitın auqymdy jūmystar atqaryldy. Mūndai ūlttyq jobanyŋ Türkıstan oblysynda jüzege asyrylu barysy men aldaǧy ıs-şaralar josparyn Türkıstan oblystyq ruhani jaŋǧyru jobalyq keŋesınıŋ jetekşısı Aidar Seidäzım «Adyrna» ūlttyq portalynyŋ tılşısıne aityp berdı.
«Ūlttyq ruhani jaŋǧyru» ūlttyq jobasy ötken jyldyŋ soŋynda Respublikalyq deŋgeide tanystyrylyp, arnaiy ıs-şara josparlary bekıtıldı. Sodan köp uaqyt ötpei oblysymyzdaǧy barlyq basqarmalarǧa ıs-şara josparlaryn äzırleu turaly ūsynystar joldanǧan edı. Atap aitsaq, Adami äleuettı damytu, mädeniet, sport jäne dene şynyqtyru sekıldı bırqatar basqarmalar aldaǧy 5 jylǧa atqarylatyn ısterdıŋ josparlaryn bekıtuge kırıstı. Bızdıŋ oblys ta barymyzdy salyp, josparlar qūrdyq. Bügınde olar öz nätijesın körsetıp keledı. Ärdaiym halyqtyŋ igılıgıne jūmys ısteu kerek ekenımızdı tüsınemız», - dedı Aidar Seidäzım.2021 jyly 11 qaraşa künı aqparat jäne qoǧamdyq damu vise-ministrı Tlepov Bolat Türkıstan oblysyna «Ūlttyq ruhani jaŋǧyru» ūlttyq jobasynyŋ maqsat-mındetterın aityp, jüzege asyryluyn tanystyrǧan edı. Oǧan Türkıstan oblysynyŋ ziialy qauym ökılderı men memlekettık qyzmetkerler qatysty. Sondai-aq, bırqatar tapsyrmalar berılgen bolatyn. Būl jönınde de Türkıstan oblystyq ruhani jaŋǧyru jobalyq keŋesınıŋ jetekşısı retınde Aidar Seidäzım jobanyŋ basty maqsatyna toqtalyp, bırqatar atqarylǧan şaralarǧa da atap öttı. Jobanyŋ üş baǧyty boiynşa atqarylǧan jūmystar da az emes eken.
«Mädeni önımderdıŋ sapasyn, är-aluandylyǧyn arttyru arqyly halyqtyŋ şyǧarmaşylyq äleuetın ıske asyru jobanyŋ basty maqsaty. Sonymen qatar, keleşek jas ūrpaqtyŋ boiyna adami qūndylyqtardy qalyptastyruda mındetımızge kıredı. Sondyqtan Türkıstan oblysynyŋ halqy «Ruhani jaŋǧyru» baǧdarlamasymen etene tanys dep aitsaq qatelespeimız. Öitkenı, soŋǧy 5 jyl kölemınde atalǧan baǧdarlama aiasynda qanşama nysandar boi köterıp, aituly degen ıs-şaralar jüzege asty. Būl turaly jergılıktı telearnalar da, gazet pen jurnaldar da, äleumettık jelıler de uaqytyly jariialap otyrdy. Qazırgı taŋda bızdıŋ ofis qyzmetkerlerı “Ūlttyq ruhani jaŋǧyru” ūlttyq jobasyn halyqqa nasihattau jūmystaryn tyŋǧylyqty jürgızıp keledı. Sol arqyly Türkıstan oblysynyŋ ärbır tūrǧyny ūlttyq jobamen tanysyp, özderı de belsendılık tanytuda», - dedı ol.
«Jastar – bolaşaǧymyz!»
«Ūlttyq ruhani jaŋǧyru» ūlttyq jobasy jastarǧa mol mümkındıkterge jol aşpaq. Mäselen, jobanyŋ üşınşı baǧyty - «Täuelsızdık ūrpaqtary» jobasy arqyly NEET sanatyndaǧy jastarmen jūmys jürgızılude. Aita keteiık, NEET sanatyndaǧy jastar dep elımızdegı jūmys ısteuge, oquǧa, eŋbektenuge, ızdenuge qūlyqsyz, sondai-aq, saiasi jäne azamattyq belsendılıgı az jastardy aitamyz.«Täuelsızdık ūrpaqtary» jobasyn jüzege asyru baǧytynda Türkıstan oblystyq qoǧamdyq damu basqarmasyna qarasty oblystyq jastar ortalyǧy tarapynan bırqatar jobalar jüzege asyrylyp keledı. Sonyŋ bırı - «Täuelsızdık ūrpaqtary» aiasynda ärbır jobaǧa üş million teŋge berıletın bolady. Būl qarjynyŋ, iaǧni grantty berudegı basty maqsat – belsendı şyǧarmaşyl jastardyŋ jaŋa jobalaryna memlekettık qoldau. Sol arqyly jaŋa bastamalarǧa, jaŋa mümkındıkterge jol aşpaq. Bül grantty ūtyp alu üşın jasy on törtten kem emes jäne jiyrma toǧyzdan aspaityn, konkursqa qatysuǧa ötınım bergen Qazaqstan Respublikasynyŋ kez-kelgen azamaty ümıtker bola alady. Onyŋ negızgı mındetı – talantty jäne talapty jastardy qoldau, eldıŋ äleumettık-ekonomikalyq damuy üşın praktikalyq qyzyǧuşylyq tudyratyn jastardyŋ innovasiialyq jobalary men ǧylymi-tehnikalyq äzırlemelerın anyqtau jäne qoldau, jastardyŋ jaŋa jäne jūmys ıstep tūrǧan startap-jobalaryn ıske asyruǧa järdem körsetu, jastar arasynda şyǧarmaşylyq qyzmettı tanymal etu», dep baǧdarlamanyŋ üşınşı baǧytyndaǧy jobamen tanysyryp öttı.«Täuelsızdık ūrpaqtary» jobasy Qazaqstan Respublikasynyŋ azamatyna jaŋa ideialar men bastamalardy ıske asyru üşın konkurstyq negızde bırneşe baǧytqa bölıngen.
«Joba är türlı saladaǧy jastardy qoldaidy. Sondyqtan da konkurs bırneşe baǧytty qamtidy. Olar jaŋa ǧylymi jobalardy ıske asyru jäne zertteu üşın «ǧylym» baǧyty, Qazaqstandaǧy mädeni mūralardy tanytu, salt-dästürler men önerdı damytuǧa arnalǧan jobany ıske asyruǧa «mädeniet» baǧyty bar. Odan bölek, jaŋa IT şeşımder men jobalardy, onyŋ ışınde jaŋadan bastalǧan startap jobalardy ıske asyruǧa jäne daiyndauǧa «aqparattyq tehnologiialar» baǧyty, jaŋa biznes ideialar üşın «biznes» baǧyty bolsa, jastar üşın tanymdyq, qyzyqty ärı paidaly aqparattarmen qamtamasyz etu jäne qazaq tıldı kontentter üşın «media» baǧyty bar. Atalǧan baǧdarlamany jastar arasynda ügın-nasihattau, tüsındıru jūmystary Türkıstan oblysynyŋ jastar resurstyq ortalyqtary tarapynan jürgızılıp keledı. Bügıngı taŋda, respublikalyq biudjetten 30 mln. teŋge bölıngen. Odan bölek, jergılıktı biudjetten taǧy da qarjy qarastyryp otyr. Ol talantty jastarǧa granttar beru arqyly jobalaryn ıske asyruǧa, sol arqyly qoǧamǧa äser etudı josparlauda. Sondyqtan elımızdegı jastardy osy jobaǧa at salysuǧa şaqyramyn. Ärbır jastyŋ grantty jeŋıp aluǧa mümkındıgı bar. Öitkenı, jastar – bızdıŋ bolaşaǧymyz!», - dedı Aidar Seidäzım.«Ūlttyq ruhani jaŋǧyru» ūlttyq jobasynyŋ «El Ruhy» dep atalatyn ekınşı baǧyty bar. Būl baǧyt boiynşa elımızde 2025 jylǧa deiın mädeni nysandardaǧy infraqūrylymdy damytu, jaŋa mädeni nysandaryn salu közdelgen. Biyl Türkıstan oblysy da būl baǧyttan tys qalmady. Oǧan dälel – şet elden Türkıstanǧa turisterdıŋ aǧyluy.
«El Ruhy» jobasy boiynşa bırınşı kezekte oblysymyzdyŋ şalǧai auyldaryndaǧy mädeniet üilerın salu, kürdelı jöndeuden ötkızu, kıtaphanalar qūrylysyn jürgızu syndy jobalar josparlanǧan bolatyn. Byltyrǧy jyldyŋ özınde «Ruhani jaŋǧyru» baǧdarlamasynyŋ «Tuǧan jer» jobasy aiasynda oblysymyzda 4 bırdei auyldyq mädeniet üilerı boiy köterıp, ekeuı kürdelı jöndeuden öttı. Aldaǧy uaqytta qalǧan jöndeu oryndaryn ıske asyru josparlanyp otyr. Qazaqstan halqynyŋ ziiatkerlık äleuetın damytu boiynşa 38 joba josparlandy. Aldaǧy 3 jylda barlyq oquşylar elımızdıŋ mädeni mūrasymen tereŋırek tanysyp, tarihty sanasynda oiata alu qajet. Būl jönınde «Oqityn ūlt» jobasy ıske asyp, ärbır qazaqstandyqtyq oquşylardyŋ belsendılıgı artyp keledı. Sondai-aq, memlekettık tıl märbesıne de köŋıl bölınude. Qazaq tılınde bılım alu üşın bügınde bırşama taŋdauly kıtaptar audaryldy», dep atqarylǧan josparmen bölıse öttı.
«Qazır eŋ basty mäsele, ol - halyqtyŋ sanasyndaǧy ūlttyq ruhty oiatu, jastardy patriottyqqa tärbieleu. Sondyqtan Türkıstan oblysynyŋ tūrǧyndary ǧana emes, ärbır oblys tūrǧyndary būl baǧdarlamamen tanys boluy qajet. Bız halyqqa būl joba aiasynda atqarylǧan ıs-şaralardy körsetıp, aqparattandyryp otyruymyz da kerek. «Oqityn ūlt» jobasy halyqtyŋ sauatyn arttyruǧa arnalǧan. Mektep jasyndaǧy balalardy mädeni tärbiemen qamtu üşın olardyŋ kıtap oqu belsendılıgın arttyryp, kıtaptar men qyzmetterdı qoljetımdı etude. Sonda ǧana elımızdıŋ tarihy men mädenietın keleşek ūrpaq ūmytpaidy, jadylarynda mäŋgıge saqtamaq. Bärıŋızge belgılı Türkıstan – tarihi meken. Onda ǧalym da, aqyn-jazuşylar da şyqty. Sondyqtan bızdıŋ aimaq üşın «oqityn ūlt» jobasy tiımdı bolyp otyr. Otandyq qalamgerlerdı, jas aqyndarymyz ben jazuşylarymyzdy yntalandyruǧa baǧyttalyp otyrǧan joba mädeniettŋ damuyna ülesın tigızedı. Būl halyqtyŋ mädenietn ǧana artryp qana qoimai, közın de aşpaq», - dedı Aidar.«Ūlttyq ruhani jaŋǧyru» ūlttyq jobasynda respublikalyq kıtaphanalarda jyl saiyn zaǧip jandar men naşar köretın azamattarǧa jaǧdai jasau üşın jyl saiyn biudetten qarjy bölınu qarastyrǧan. Būl da ülken bastamalardyŋ bırı. Aidar Seidäzımnıŋ aituynşa, qaŋtar aiyndaǧy ahualdan keiın ıs-şaralar bıraz keiınge şegerılıptı. Alaida, aldaǧy uaqytta köp jūmys atqarylmaq. Oǧan jospar da daiyn tūr.
«Elımızdegı qaŋtarda bolǧan ahual būl ıstı säl tejedı desek te bolady. Äzırge būl tapsyrmanyŋ oryndalu barysy şynyn aitqanda toqtap tūr. Öitkenı, ministrlıkten būl jobany alǧa ılgerıletu turaly naqty tapsyrma älı kelgen joq. Bıraq tapsyrma tüsse, jobalardy ıske asyrudyŋ jyldyq, 5 jyldyq ıs-şaralarynyŋ jobasy iaǧni nobaiy daiyn tūr. Bız olardy aldaǧy uaqytta ıske asyryp, halyqtyŋ ruhani damuyna yqpalymyzdy tigızemız. Qazaqstan halqynyŋ ruhani bai boluy üşın at salysamyz», - dep sözın qoratyndylady.
Dana Nūrmūhanbet
«Adyrna» ūlttyq portaly
