16 mausym künı Qostanai qalasyndaǧy kolledjderdıŋ bırınde oqyp jatqan 3-kurs studentterıemtihan tapsyryp jatqan kezde äskeri bölımge jetkızılgen, dep habarlaidy “Adyrna” ūlttyq portaly.
Äleumettık jelıdegı videony taratqan jergılıktı tūrǧynnyŋ aituynşa, bastapqyda Qorǧanys ısterı jönındegı departament ökılderı kolledjge tek tüsındıru jūmystaryn jürgızuge kelgen. Alaida keiın bırneşe studenttı äskeri bölımge alyp ketken.
Būl jaǧdaiǧa qatysty Qostanai qalasynyŋ Qorǧanys ısterı jönındegı basqarmasy resmi tüsınıkteme berıp, jastardyŋ erıktı türde oblystyq jiyn punktıne jetkızılgenın habarlady. Olardyŋ aituynşa densaulyq jaǧdaiyn tekserıp, merzımdı äskeri qyzmetke jaramdylyǧyn anyqtau maqsatynda aparǧan.
«Lauazymdy tūlǧalarmen tüsındıru jūmystary jürgızıldı. Şaqyryluşylar psihologiialyq testıleuden jäne aldyn ala medisinalyq tekseruden ötedı», – dedı basqarma ökılderı.
Eske sala keteiık, QR Qorǧanys ministrınıŋ bırınşı orynbasary Sūltan KamaletdinovSenattaǧy brifingte jastardy mäjbürlep äskerge şaqyru oqiǧalaryna qatysty pıkır bıldırgen edı. Onyŋ aituynşa, äskerge şaqyryluşynyŋ sotqa jügınuge tolyq qūqyǧy bar.
