AQŞ prezidentı Donald Tramp İran üstındegı äue keŋıstıgın amerikalyq äskeriler tolyq baqylauǧa alǧanyn mälımdedı. Būl turaly ol Truth Social äleumettık jelısındegı paraqşasynda jazdy, dep habarlaidy "Adyrna" ūlttyq portaly.
«Bız endı İrannyŋ üstındegı aspandy tolyq jäne tügeldei baqylauda ūstap otyrmyz», – dep jazdy Tramp.
Onyŋ aituynşa, İranda quatty äue şabuylyna qarsy qorǧanys jüielerı bolǧanymen, olar AQŞ tehnologiiasymen salystyrǧanda älsız.
«İranda jaqsy baqylau jüielerı men türlı qorǧanys qūraldary bar edı, tıptı köp te bolatyn. Bıraq olardyŋ eşbırı amerikalyq “tehnologiialyq oiynşyqtarmen” salystyruǧa kelmeidı. Būl ıstı bızden artyq eşkım ıstei almaidy», – dep tolyqtyrdy AQŞ prezidentı.
Sonymen qatar, Tramp İrannyŋ ruhani kösemı Ali Hamenei jaily da jazba jariialady. Onda ol Hamenei ornalasqan oryndy naqty bıletının aityp, ony “jeŋıl nysana” dep atady.
«Bız älgı “ruhani kösem” jasyrynǧan jerdı naqty bılemız. Ol – jeŋıl nysana. Bıraq däl qazır bız ony ūstamaimyz (öltırmeimız!)», – dedı Tramp.
Būǧan deiın İzrail premer-ministrı Biniamin Netaniahu ABC News telearnasyna bergen sūhbatynda Hameneige qastandyq jasaluy mümkın ekenın joqqa şyǧarmaǧan edı.
Al özınıŋ üşınşı jazbasynda Tramp qysqa ärı naqty türde:
«Mültıksız tıze bügu», – dep jazdy.
