AQŞ prezidentı Donald Tramp Vladimir Putinmen Aliaskada ötetın sammit barysynda Ukraina atynan kelıssöz jürgızbeitının mälımdedı. Būl turaly ol 15 tamyz künı Ankoridj qalasyna bara jatqan jolda prezidenttık ūşaq bortynda jurnalisterge aitty. Press-brifingtıŋ audiojazbasyn Aq üi jariialady, dep habarlaidy “Adyrna”.
Territoriialarmen almasu mäselesıne qatysty qoiylǧan sūraqqa Tramp mūndai talqylaular bolatynyn rastady.
"Būl mäseleler talqylanady, bıraq men ondai şeşımderdı qabyldaudy Ukrainaǧa qaldyramyn. Menıŋ oiymşa, olar dūrys şeşım qabyldaidy. Men Ukraina atynan kelıssöz jürgızu üşın kelgen joqpyn. Vladimir Putin bükıl Ukrainany basyp alǧysy kelgen. Eger men prezident bolmasam, ol Ukrainany tügel basyp alar edı. Bıraq endı olai bolmaidy",- dedı AQŞ prezidentı.
AQŞ Ukrainanyŋ qauıpsızdıgıne kepıldık bere ala ma degen sūraqqa Tramp qauıpsızdık kepıldıkterı "tek Europa jäne basqa eldermen bırge" ǧana mümkın ekenın aitty. Sondai-aq Putin soǧysty toqtatudan bas tartsa, Reseige "öte auyr saldary" bolatynyn eskerttı.
Aq üidıŋ halyqaralyq aqparat agenttıkterıne habarlauynşa, Aliaskada ötetın sammitke AQŞ delegasiiasy qūramyna Qarjy ministrı Skott Bessent, Sauda ministrı Hovard Liutnik, Memlekettık hatşy Marko Rubio, Ortalyq barlau basqarmasynyŋ direktory Djon Retkliff, Aq üi apparatynyŋ basşysy Siuzi Uails jäne prezidenttıŋ bırneşe keŋesşısı kıredı.
AQŞ Qorǧanys ministrlıgınıŋ mälımdeuınşe, vedomstvo basşysy Pit Hegset te kelıssözderge qatysady. Tramp TruthSocial äleumettık jelısınde "Qazırgı jaǧdai öte maŋyzdy" dep jazdy. Aq üi būl kezdesudı "tarihi sammit" dep atady.
