Ystanbūlda ötıp jatqan IDEF 2025 – 17-şı halyqaralyq qorǧanys önerkäsıbı järmeŋkesınde Türkiia özınıŋ alǧaşqy giperdybysty ballistikalyq zymyrany – TAYFUN BLOK-4-tı resmi türde tanystyrdy, dep habarlaidy "Adyrna" ūlttyq portaly.
Zymyrandy ROKETSAN kompaniiasy äzırlegen. Onyŋ erekşelıgı – ūşu qaşyqtyǧy 3 000 şaqyrymǧa deiın jetıp, jedel-strategiialyq nysandardy, komandalyq punktterdı, qoimalardy, aerodromdardy jäne äue qorǧanys jüielerın joiuǧa arnalǧan.
Roketsan bas direktory Murat İkindji būl önımnıŋ Türkiianyŋ ballistikalyq zymyran tehnologiiasyndaǧy jetıstıgın aiǧaqtaitynyn aitty.
“TAYFUN BLOK-4 – gipersonikalyq jyldamdyqqa ie, ūzyndyǧy 10 metr, salmaǧy 7 200 kg bolatyn, eŋ ülken tejeu äserı bar TAYFUN otbasynyŋ ökılı. Būl joba öndırıste jappai qolǧa alynyp jatyr”, – dedı ol.
Türkiia Qūrlyq äskerlerınıŋ qolbasşysy, general Selchuk Bairaktaroǧly būl jüienıŋ el qorǧanysy üşın maŋyzyn atap öttı.
“Bız būl zymyrandy biylǧy jyldyŋ soŋyna deiın äskeri tehnika qūramyna engızemız dep josparlap otyrmyz. Būl Türık Qaruly küşterı üşın ballistikalyq zymyranmen alǧaşqy bailanys bolady. Jaŋa jüienıŋ jyldamdyǧy men qaşyqtyǧy onyŋ basty strategiialyq tejeu qūraldarynyŋ bırıne ainaluyna mümkındık beredı”, – dedı general.
TAYFUN BLOK-4 Türkiianyŋ qorǧanys önerkäsıbındegı jaŋa kezeŋge qadam basqanyn jäne zymyran-ǧaryştyq tehnologiialar salasynda bäsekege qabılettı elge ainalyp kele jatqanyn körsetedı.
