"Jas ǵalymdar shyǵady": Qazaqstan óz ıadrolyq fızıkterin daıyndaıtyn bolady

743

«Máskeý ınjenerlik fızıka ınstıtýty» Ulttyq ıadrolyq zertteý ýnıversıtetiniń Almaty qalasyndaǵy fılıaly bakalavrıat pen magıstratýraǵa qabyldaý naýqanyn bastady. Reseıdegi eń úzdik ulttyq zertteý ýnıversıtetteriniń biri Qazaqstandaǵy fılıalynda «Qorǵalǵan joǵary ónimdi esepteý júıeleri» jáne «Elementar bólshekter fızıkasy jáne ǵarysh fızıkasy» oqý baǵdarlamalary boıynsha sabaq beredi, dep jazady "Adyrna" ulttyq portaly. 

«MIFI» fılıaly Ál-Farabı atyndaǵy QazUÝ bazasynda ornalasady jáne atalǵan oqý ornynyń mamandary qujattardy qabyldaıdy. 2 tamyzda Almatyǵa MIFI Ulttyq ıadrolyq zertteý ýnıversıtetiniń irikteý jáne pándik komıssııasynyń ókilderi keledi.

Búgingi tańda bakalavrıat boıynsha 62 jáne magıstratýrada oqýdy jalǵastyrý úshin 10 qujat tapsyryldy. Qabyldaý emtıhandarynyń birinshi tolqyny 3 (fızıka) jáne 5 tamyzda (matematıka) ótedi. Ekinshi tolqyn sáıkesinshe 25 jáne 27 tamyzǵa josparlanǵan.

Fılıaldyń resmı ashylýy qyrkúıektiń ekinshi jartysyna, al oqýdyń bastalýy 2022 jyldyń 1 qazanyna josparlanǵan.

"MIFI" ulttyq ıadrolyq zertteý ýnıversıteti – bedeldi ǵylymı mektepteri bar álemniń jetekshi zertteý ýnıversıtetteriniń biri (álemdegi Top-350). Munda Nobel syılyǵynyń 6 laýreaty jumys istedi. Búginde MIFI-de 200-den astam bilim berý baǵdarlamasy júzege asyrylýda.

- Reseı joǵary oqý oryndarymen yntymaqtastyqtyń negizgi baǵyttary – ıadrolyq energetıka, geologııa jáne munaı-gaz ónerkásibi úshin kadrlar daıarlaý. Nátıjesinde elimiz tek joǵary bilikti ınjenerlerdi ǵana emes, sonymen qatar ǵylymı-zertteý qyzmetine daıyn jas ǵalymdardy da alady dep kútemiz, - deıdi Ǵylym jáne joǵary bilim mınıstri Saıasat Nurbek.

"MIFI" Ulttyq ıadrolyq zertteý ýnıversıtetinde oqytýdyń basty ereksheligi – bilim berý, ǵylymı jáne ınnovaııalyq qyzmet úzdiksiz júrgiziledi. Stýdentter tómengi kýrstan bastap ǵylymı-zertteý jumystaryna qatysa alady. 3-kýrstan oqý jáne ǵylymı-zertteý jumystaryna qatysý mindetti sanalady.

Esterińizge sala keteıik, QR Prezıdenti Q.Toqaev Parlament Májilisiniń 2022 jylǵy 11 qańtardaǵy otyrysynda 2025 jylǵa deıin Qazaqstanda bedeldi sheteldik ýnıversıtetterdiń keminde 5 fılıalyn ashýdy tapsyrǵan bolatyn.

"Adyrna" ulttyq portaly 

Pikirler
Redakııa tańdaýy