Emmanuel Makron Kamerunnyŋ täuelsızdık üşın küres kezeŋınde elde jürgızılgen qataŋ repressiialardaǧy Fransiianyŋ rölın resmi türde moiyndady, dep habarlaidy "Adyrna" ūlttyq portaly Report-qa sılteme jasap.
Makron Kamerun prezidentı Pol Biiiaǧa joldaǧan hatynda būl mälımdemenı 1945–1971 jyldar aralyǧyndaǧy Fransiianyŋ ıs-äreketın zerttegen bırlesken fransuz-kamerun komissiiasynyŋ qorytyndysyna süiene otyryp jasaǧan.
"Tarihşylar Kamerunda soǧys bolǧanyn, sol kezde otarşyl bilık pen fransuz äskerı eldıŋ kei aimaqtarynda türlı repressivtı zorlyq-zombylyq türlerın qoldanǧanyn anyq aitty. Būl soǧys 1960 jyldan keiın de jalǧasty, Fransiia täuelsız Kamerun bilıgınıŋ äreketterın qoldady. Bügın men osy oqiǧalardaǧy Fransiianyŋ rölın jäne jauapkerşılıgın moiyndauym kerek", — delıngen prezidenttıŋ hatynda.
Būl mälımdeme qaŋtar aiynda jariialanǧan esepten keiın jasaldy. Onda Fransiia jüzdegen myŋ kamerundyqty küştep köşıru, internirleu lagerlerıne jıberu jäne eldıŋ egemendıkke ūmtylysyn basu üşın qataŋ qaruly jasaqtardy qoldau sekıldı äreketterge barǧany aitylǧan.
Aita keteiık, Kamerun alǧaşynda Germaniianyŋ otary bolǧan. Bırınşı düniejüzılık soǧystan keiın el aumaǧy Ūlybritaniia men Fransiia arasynda bölındı. BŪŪ qamqorlyǧy aiasynda Fransiia baqylauyndaǧy aimaq 1960 jyly täuelsızdık aldy. 1961 jyly britandyq Kamerunnyŋ oŋtüstık bölıgı referendum arqyly fransuz Kamerunyna qosyldy.
