Soltüstık Qazaqstan oblysynda äkımdıktıŋ būrynǧy qyzmetkerlerı memleket biudjetten aqşa jymqyrǧan, dep habarlaidy «Adyrna» tılşısı.
«Petropavl qalalyq soty prokuraturanyŋ pıkırımen kelıse otyryp, olardy 6,6 jyldan 6,8 jylǧa deiıngı merzımge naqty bas bostandyǧynan aiyruǧa sottap, olardan keltırılgen materialdyq şyǧyndy öndırıp aldy. Ükım zaŋdy küşıne endı»,—delıngen habarlamada.
Soltüstık Qazaqstan oblysynyŋ prokuraturasy teksergen ıs barysynda memlekettık aiyptau üş azamattyŋ memleketke 46 mln teŋgeden astam şyǧyn keltırgenın däleldedı. Olar aldau jäne senımge qiianat jasau arqyly mülıktı iemdengen.
«Sotta būltartpas aiǧaqtardyŋ boluyna qaramastan, üş aiyptaluşy jasaǧan qylmystary boiynşa öz kınälaryn moiyndamai, jasaǧan qylmysyna ökıngen joq. Osyǧan qaramastan, memlekettık aiyptau taraptar «K», «T», «D» aldau jäne senımge qiianat jasau arqyly memleketke 46 mln teŋgeden astam şyǧyn keltırıp, mülıktı ūrlaǧanyn däleldedı»,—dep tolyqtyrdy oblystyq prokuraturanyŋ baspasöz qyzmetı.
