Gaza sektorynyŋ oŋtüstıgındegı Han-Iýniste ornalasqan Naser auruhanasyna İzrail qatarynan ekı soqqy jasady. Saldarynan 20 adam qaza tapty, olardyŋ qatarynda jurnalister men medisina qyzmetkerlerı bar. İzrail būl äue şabuyldaryn «qaiǧyly oqiǧa» dep atady. Būl turaly VVS jazdy, dep habarlaidy “Adyrna”.
Alǧaşqy soqqydan kem degende bır adam qaza tapqan. Bırneşe minuttan keiın qūtqaruşylar men jurnalister oqiǧa ornyna jetken sätte ekınşı soqqy jasalyp, taǧy bırneşe adamnyŋ ömırı qiyldy.
Qaza tapqandardyŋ arasynda halyqaralyq aqparat agenttıkterınde jūmys ıstegen bes jurnalist bar. Olar – Associated Press, Reuters, Al Jazeera jäne Middle East Eye syndy būqaralyq aqparat qūraldarynyŋ qyzmetkerlerı.
İzrail premer-ministrı Biniamin Netaniahu būl jaǧdaidy «qaiǧyly oqiǧa» dep atap, İzraildıŋ «ökınışın» bıldırdı. Sondai-aq, äskeriler būl oqiǧaǧa bailanysty jan-jaqty tergeu jürgızıp jatqanyn aitty.
Auruhana därıgerlerınıŋ aituynşa, alǧaşqy soqqy jergılıktı uaqyt boiynşa taŋǧy saǧat 10 şamasynda jasalǧan.
