Türkiia bilıgı soǧys, apattar jäne özge de tötenşe jaǧdailar, sonyŋ ışınde «iadrolyq oqiǧalar» kezınde halyqty qorǧau üşın arnaiy panalau oryndaryn salu jobasyn bastady. Būl turaly TASS agenttıgıne sılteme jasap türıktıŋ NTV telearnasy jariialady, dep habarlaidy “Adyrna”.
Joba aldymen Ankara men basqa ırı qalalarda bastalyp, keiın bükıl el aumaǧyna taralady.
Atalǧan BAQ-tyŋ mälımetınşe, azamattyq qorǧanys şaralaryn küşeitu mäselesı Türkiia prezidentı Rejep Taiip Erdoǧan töraǧalyǧymen ötken ükımet otyrystarynda qarastyrylǧan. Şeneunıkter qazırgı qoldanystaǧy panalau oryndarynyŋ basym bölıgı köpqabatty tūrǧyn üilerdıŋ jertölelerınde jäne jer asty avtotūraqtarynda ornalasqanyn jäne qazırgı tötenşe jaǧdailar talaptaryna sai kelmeitının moiyndady.
Osyǧan bailanysty bilık är aimaqtyŋ erekşelıgın eskere otyryp, qorǧanys nysandarynyŋ infraqūrylymyn jaŋartuǧa şeşım qabyldady. Mūndai qadamǧa barudyŋ özektılıgı Türkiiaǧa jaqyn aimaqtarda äskeri qaqtyǧystar men apattar tuyndau qaupınıŋ bar boluymen tüsındırıldı. Jaŋa panalau oryndary radiasiialyq lastanu jaǧdaiynda da halyqty qorǧauǧa qabılettı boluy tiıs.
Türık telearnasynyŋ habarlauynşa, joba äzırlenu barysynda Japoniia, Şveisariia jäne İzraildıŋ täjıribesı zerttelgen. Nätijesınde eldıŋ barlyq aimaqtarynda türlı qauıp-qaterlerge tötep bere alatyn qorǧanys qūrylymdary salynady. Sonymen qatar, būl nysandar halyqtyŋ basym bölıgı jyldam jetıp bara alatyndai etıp ornalastyrylady.
