Bügın, qyrküiektıŋ 5-ı — Alaş qozǧalysynyŋ qairatkerı, ǧalym, türkıtanuşy, qazaq tıl bılımınıŋ atasy Ahmet Baitūrsynūlynyŋ tuǧan künı.
2017 jyly Premer-Ministrdıŋ qaulysymen 5 qyrküiek, iaǧni Ahmet Baitūrsynūlynyŋ tuǧan künı - Qazaqstan halqy tılderınıŋ künı bolyp bekıtıldı.
Ūlt kösemı 153 jyl būryn qazırgı Qostanai oblysy Jangeldı audany Aqköl auylynda ömırge kelgen.
Ahmet Baitūrsynūly 1872 jyly 5 qyrküiekte ömır esıgın aşyp, 1937 jyly 8 jeltoqsanda qaitys bolǧan.
Ahmet Baitūrsynūly – HH ǧasyr basyndaǧy qazaq ziialylarynyŋ köşbasşysy, qazaq tıl bılımı men älıpbiınıŋ negızın qalaǧan tūlǧa. Ol qazaq “tılın ǧylym retınde jüielep, tūŋǧyş oqulyqtar jazdy. 1912 jyly özı reformalaǧan töte jazu negızındegı töte älıpbiı" – ūzaq jyldar boiy qazaq halqynyŋ jazba tılı retınde qoldanyldy.
Ahmet Baitūrsynūlynyŋ aǧartuşylyq qyzmetı qazaq dalasyna bılım men ǧylym säulesın tüsırdı. Ol bala oqytu, mektep aşu, oqulyq jazu ısıne erekşe köŋıl böldı. Onyŋ 1913 jyly jazǧan "Qyryq mysal", 1914 jylǧy “Masa"* jinaqtary arqyly ol qoǧamdaǧy ädıletsızdık pen nadandyqty synady, halyqty oiatuǧa tyrysty.
Ahmet Baitūrsynūly – qazaqtyŋ tūŋǧyş qoǧamdyq-saiasi basylymy "Qazaq" gazetınıŋ negızın qalauşy ärı alǧaşqy redaktory. Būl basylym arqyly ol ūlt mäselesın qozǧap, Alaş qozǧalysynyŋ ideiasyn halyqqa jetkızdı.
Alaş qozǧalysynyŋ belsendı müşesı bolǧan Ahmet Baitūrsynūly 1929 jyly "halyq jauy" retınde tūtqyndalyp, bırneşe ret quǧyn-sürgınge ūşyrady. Aqyrynda 1937 jyly stalindık zūlmattyŋ qūrbany boldy.
