Memleket basşysy Qasym-Jomart Toqaev halyqqa arnaǧan Joldauynda ekınşı jäne üşınşı atom elekir stansiiasyn saludy josparlau qajet ekenın aitty, dep habarlaidy "Adyrna" ūlttyq portaly Aqordanyŋ baspasöz qyzmetıne sılteme jasap.
Prezidenttıŋ aituynşa, aldaǧy bes jylda quaty 6,3 gigavatt bolatyn jaŋa «jasyl» energiia nysandaryn ıske qosu josparlanyp otyr. Būl Qazaqstandaǧy jaŋartylatyn energiia közderınıŋ ülesın aitarlyqtai arttyrmaq.
Prezident bır ai būryn Almaty oblysynda alǧaşqy atom elektr stansiiasyn salu jobasy «Rosatommen» bırlese bastalǧanymen, būl ekonomikanyŋ tūraqty damuy üşın jetkılıksız ekenın aitty.
«Ekınşı, tıptı üşınşı atom elektr stansiiasynyŋ qūrylysyn qazırden bastap josparlai beruımız kerek», – dedı Toqaev.
Sonymen qatar Memleket basşysy juyrda Qytai Halyq Respublikasynyŋ Töraǧasy Si Szinpinmen kezdesude atom salasyndaǧy strategiialyq serıktestıkke qol jetkızılgenın atap öttı.
Qazaqstan älemdık ırı kompaniialardyŋ barlyǧymen özara tiımdı bailanys ornatuǧa daiyn ekenın jetkızgen Prezident būl ūstanym eldıŋ energetikalyq derbestıgın qamtamasyz etuge baǧyttalǧanyn aitty.
